މޫސުން ގޯސްވާނެތީ ފުވައްމުލަކު ސިޓީއާއި އައްޑޫ ސިޓީއަށް ޔެލޯ އެލަރޓް ނެރެފިއެވެ.
އެލާޓް ނެރެފައިވަނީ މިރޭގެ 7:30 އިން ފެށިގެން 11:30އާ ހަމައަށެވެ.
މި ވަގުތުތަކުގައި އެ ސަރަޙައްދުތަކަށް ބޯކޮށް ވާރޭވެހި ގުގުރާނެކަމަށް ވަނީ ލަފާކޮށްފައެވެ. އަދި ވިލާގަނޑުގައި ގަޑިއަކު 45 މޭލަށް ވައިގަދަވާނެކަމަށް ވަނީ ލަފާކޮށްފައެވެ.
މިވަގުތު ރާއްޖެއަށް ކުރަމުންދާ ވިއްސާރައަކީ، ބޭ އޮފް ބެންގާލްގައި އުފެދިފައިވާ ތޫފާން "މޮކާ"ގެ އަސަރުކަމަށް މެޓް އޮފީހުން ވިދާޅުވެއެވެ. މެޓުން ވިދާޅުވީ ތޫފާނުގެ ސީދާ އަސަރު ރާއްޖެއަށް ނުކުރިނަމަވެސް، މިރޭގެ ވަގުތެއްގައި އެ ތޫފާނު އިތުރަށް ބާރުގަދަވާނެތީ އޭގެ ނުސީދާ އަސަރު ރާއްޖޭގެ ސަރަޙައްދުތަކަސް ކުރާނެކަމަށް ލަފާކުރެވޭކަމަށެވެ.
އެހެންކަމުން ހުރިހާ ފަރާތްތަކުންވެސް، ޚާއްސަކޮށް ކަނޑު ދަތުރުކުރާ ފަރާތްތަކުން މޫސުމަށް ސަމާލުވުމަށް މޫސުމާބެހޭ އިދާރާއިން އިލްތިމާސްކުރައްވައެވެ.