ސްނޯކްލިންއަށް ގޮސް އުޅުނު ފަތުރުވެރިއަކު ގެއްލިގެން ހޯދަން ފަށައިފިއެވެ. އެމްއެންޑީއެފުން މިއަދު ބުނެފައިވަނީ ގެއްލިގެން ހޯދަމުންދަނީ ޗައިނާގެ ފަތުރުވެރިއެއްކަމަށެވެ.
ފަތުރުވެރިޔާއަކީ ހިލްޓަން މޯލްޑިވްސް އަމިންގިރި ރިސޯޓް އެންޑް ސްޕާގައި ޗުއްޓީ ހޭދަކުރަމުން ދިޔަ މީހެކެވެ. އެމްއެންޑީއެފުން ބުނެފައިވަނީ އޭނާ ގެއްލިފައިވަނީ ސްނޯކްލިންއަށް ގޮސް އުޅެނިކޮށް އިއްޔެގެ ވަގުތެއްގައިކަމަށެވެ.
MNDF Coast Guard is conducting a search and rescue operation for a missing Chinese tourist believed to have gone snorkeling on 02 April 2023 from Hilton Maldives Amingiri Resort & Spa. pic.twitter.com/Ne5azlMgkr
— Maldives National Defence Force (@MNDF_Official) April 3, 2023
ފަތުރުވެރިޔާ ހޯދުމުގެ މަސައްކަތް ރިސޯޓް ހިމެނޭ ސަރަޙައްދުގައި އެމްއެންޑީއެފުން ދަނީ ކުރަމުންނެވެ. އެގޮތުން ކަނޑުގެ މަގުންނާއި، އަދި އެސަރަޙައްދަށް ޑައިވްކޮށް ފަތުރުވެރިޔާ ހޯދުމުގެ މަސައްކަތް ދަނީ ކުރަމުންނެވެ.
ސްނޯކްލިންއާއި، މޫދުގައި ކުރިއަށްގެންދާ އެކިކަހަލަ ރެކްރިއޭޝަނަލް ހަރަކާތްތަކުގައި މިގޮތަށް ފަތުރުވެރިން ގެއްލުމުގެ ހާދިސާތައް ރާއްޖޭގައި ކުރިމަތިވަމުންއާދެއެވެ.