ސްޓޭޓް ޓްރޭޑިން އޮގަނައިޒޭޝަން، އެސްޓީއޯގެ މެނޭޖިންގ ޑިރެކްޓަރުކަމުގެ މަޤާމަށް މޯލްޑިވްސް ސްޓޭޓް ޝިޕިންގެ މެނޭޖިންގ ޑިރެކްޓަރުގެ މަޤާމުގައި ހުންނެވި ޢަބްދުﷲ ސައީދު ހަމަޖެއްސުމަށް ޕްރައިވަޓައިޒޭޝަން ބޯޑަށް ފޮނުވައިފިއެވެ.
އެސްޓީއޯގެ މެނޭޖިން ޑިރެކްޓަކަށް ސައީދު ހަމަޖެއްސެވުމަށް ފޮނުވާފައިވަނީ އެމަޤާމު ފުރުއްވަމުންދިޔަ ހުސެއިން އަމްރު މިދިޔަ އާދީއްތަ ދުވަހު ޕްރައިވަޓައިޒޭޝަން ބޯޑުން ވަކި ކުރުމާއި ގުޅިގެންނެވެ. ރައީސް އޮފީހުން ވިދާޅުވީ ސަރުކާރު ކުންފުނިތަކުގެ ހިންގުމަށް އަބަދުވެސް ބަދަލުތައް ގެންނަ ކަމަށާއި އަމްރު މަޤާމުން ވަކިކޮށްފައިވަނީ އެފަދަ ބަދަލެއްގެ ތެރެއިންކަމަށެވެ.
އެސްޓީއޯގެ މެނޭޖިން ޑިރެކްޓަރަކަށް ސައީދު އައްޔަން ކުރުމަށް ފޮނުވާފައިވާއިރު، މިއަދު އޭނާ އެމަޤާމަށް ހަމަޖައްސާނެ ކަމަށް މައުލޫމާތު ލިބިފައިވެއެވެ.
އެސްޓީއޯގެ މެނޭޖިން ޑިރެކްޓަރުގެ މަޤާމުން އަމްރު ވަކިކުރުމުން، ވަގުތީގޮތުން އެކުންފުނި ހިންގެވުމާ ހަވާލުކޮށްފައިވަނީ އެކުންފުނީގެ އެގްޒެކެޓިވް ޑިރެކްޓަރ، ޗީފް ފައިނޭންޝިއަލް އޮފިސަރ މުޙައްމަދު ނިޒާމް އާއިއެވެ.