ފުލުހުން މާލޭ ތެރޭގައި ހިންގާ އޮޕަރޭޝަނެއް. ފޮޓޯ:ފައިލް
މާލޭ ގެސްޓުހައުސްއެއްގައި ހަށި ވިއްކަން ތިބިކަމަށް ތުހުމަތުކުރެވޭ މައްސަލައެއްގައި 4 މީހަކު ހައްޔަރުކޮށްފިއެވެ.
ފުލުހުން ވިދާޅުވީ، މާލޭގައި ރޭ ހިންގި އޮޕަރޭޝަނެއްގައި ހަށިވިއްކާކަމަށް ތުހުމަތުކުރެވޭ މައްސަލައެއްގައި ރޯޅި ގެސްޓްހައުސް ބަލާ ފާސްކޮށް 4 މީހަކު ހައްޔަރުކޮށްފައިވާކަމަށެވެ. އެއީ 43 އަހަރުގެ ދިވެހި ފިރިހެނަކާއި، 43 އަހަރުގެ ބިދޭސީއަކާއި 31 ބިދޭސީ އަންހެނެއްގެ އިތުރުން 36 އަހަރުގެ ބިދޭސީ އަންހެނެކަމަށް ފުލުހުން ވިދާޅުވިއެވެ.
މި ހަތަރު މީހުންގެ ތެރެއިން ދިވެހި ފިރިހެންމީހާއާއި ބިދޭސީ އަންހެނަކު ހައްޔަރުކޮށްފައިވަނީ ބަދުއަޚްލާގީ ޢަމަލު ހިންގަމުން ދަނިކޮށްކަމަށް ފުލުހުން ވިދާލުވިއެވެ. މި މައްސަލަ ފުލުހުން ތަހްގީގްކުރަމުން އަންނަކަމަށް ފުލުހުން ވިދާޅުވިއެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ