ރޯދަ މަހާއި ދިމާކޮށް، މޯލްޑިވްސް ޕޯޓްސް ލިމިޓެޑް، އެމްޕީއެލްއިން އޮޕަރޭޝަންތަކަށް ބޭނުންވާ އިތުރު އުޅަނދުތައް ގެނެސްފިއެވެ. އެމްޕީއެލްއިން ރޯދަމާހާއި ދިމާކޮށް އަލަށް ގެނެސްފައިވަނީ 4 "ރީޗް ސްޓެކަރސް"އެވެ.
ކޮންމެ އަހަރެއްގެވެސް ރޯދަމަހު ގިނަ ޢަދަދެއް މުދާ އެތެރެކުރަންޖެހުމާއި ގުޅިގެން އެމްޕީއެލްއަށް ބާރުބޮޑުވެއެވެ. ޕީއެސްއެމްނިއުސްއަށް މަޢުލޫމާތުދެއްވަމުން އެމްޕީއެލްއިން ވިދާޅުވީ، 4 އުޅަނދު ގެނައުމުގެ މަޤްޞަދަކީ އެޕަރޭޝަންތައް އަވަސްކުރުންކަމަށެވެ. މީގެސަބަބުން، 40 ފޫޓުގެ ކޮންޓެއިނަރ ފުލް ލޯޑްގައި ލޭންޑިންގ ކްރާޕްޓްތަކަށް ލޯޑްކޮށްގެން މާލޭގެ ޕޯޓާއި ހަމައަށް ގެނެވޭނެކަމަށް އޭނާ ވިދާޅުވިއެވެ.
Unloading of the newest addition to our terminal fleet: 4 new Reach Stackers that will be put into use to boost output at Male' Commercial Harbour.
— Maldives Ports Limited (@Portmv) January 25, 2023
These vehicles will be commissioned and ready to accommodate the high demand and traffic during the Ramazan period. pic.twitter.com/xFvnmH9reY
މިދިޔަ އަހަރުގެ ރޯދަމަހުވެސް ރާއްޖެއަށް އެތެރެކުރި ކާބޯތަކެތީގެ ޢަދަދު ވަނީ ފާއިތުވި ތިން އަހަރުގެ ރޯދަމަހަށްވުރެ އިތުރުވެފައެވެ. ރޯދަމަހާއި ދިމާކޮށް މައިގަނޑު ގޮތެއްގައި އެންމެ ގިނައިން އެތެރެކުރާ މުދަލަކީ އަވަހަށް ހަލާކުވާ ޒާތުގެ ކާބޯތަކެއްޗެވެ. މީގެ ކުރީގެ ރޯދަ މަސްތަކުގައިވެސް ބޯޓު ބަނދަރުކުރާ ވަގުތު، މުދާ ހުސްކުރުމަށް ލޮރީފަދަ ތަކެތި ތައްޔާރަށް ބޭއްވުމުގެ އިންތިޒާމްތައް ހަމަޖައްސާފައިވާ ކަމަށެވެ.
އާންމު ގޮތެއްގައި ރާއްޖެ ގެންނަ މުދަލުގެ ބޮޑުބަޔަކީ ކެއިންބުއިމަށް ބޭނުންކުރާ އަވަހަށް ހަލާކުވާ ޒާތުގެ ކާބޯތަކެއްޗަށްވާތީ މިތަކެތި ހުސްކުރާނަމަ ހެނދުނު 9:00 ފެށިގެން ދަންވަރާ ހަމައަށް ހުއްޓާނުލާ މަސައްކަތް ކުރަމުންދެއެވެ.