ބްރެޒިލް އިން ރާއްޖެއައި ސްވިޓްޒަލޭންޑް ރައްޔިތެއްގެ އަތުން މަސްތުވާތަކެތި ކަސްޓަމްސްއިން އަތުލައިގަނެފިއެވެ.
މިތަކެތި އަތުލައިގެންފައިވަނީ މިމަހުގެ 24ވަނަ ދުވަހު ރާއްޖެއައި އުމުރުން 59 އަހަރުގެ ސްވިޓްޒަލޭންޑް ފިރިހެނެއްގެ ޢަމަލުތައް ހުރިގޮތުން އެމީހާއާއި މެދު ޝައްކުކުރެވިގެން، އޭނާގެ ލަގެޖް ކަސްޓަމްސް އިން ބަލައި ފާސްކުރިއިރު، ލަގެޖުގެ ތެރެއިންނެވެ.
މިތަކެތި ފުރަތަމަ މަރުޙަލާގައި ކަސްޓަމްސް އިން ޓެސްޓްކުރިއިރު މަސްތުވާތަކެތީގެ ބާވަތެއް ކަމުގައިވާ ކޮކެއިން އަށް ވަނީ ޕޮޒިޓިވް ވެފައެވެ.
މިމީހާގެ އަތުން އަތުލައިގަނެވުނު މަސްތުވާތަކެތީގެ ޖުމްލަ ބަރުދަނުގައި 2.198 ކިލޯގުރާމް ހުރި ކަމަށާއި އަތުލައިގަނެވުނު މިމަސްތުވާތަކެތީގެ މަގުމަތީ އަގު 7,700,000.00 (7 މިލިއަން 7 ލައްކަ) ރުފިޔާއަށް އަރާ ކަމަށް ކަސްޓަމްސްއިން ހާމަކުރެއެވެ.
މިމައްސަލައިގައި ޝާމިލްވާ މިހާ އާއި އަތުލައިގަނެވުނު މަސްތުވާތަކެތި މިހާރު ވަނީ ދިވެހި ފުލުހުންގެ ޚިދުމަތާއި ހަވާލުކޮށްފައި ކަމަށްވެސް ކަސްޓަމްސްއިން މަޢުލޫމާތުދެއެވެ.