ގެންގުޅެނިކޮށް މަރުވިކަމަށް ބެލެވޭ ދޫނިތަކެއް މާލޭގެ ދެކުނުފަރާތު ފަޅުތެރެއިން ފެނިއްޖެއެވެ.
އެންވަޔަރަމަންޓަލް ޕްރޮޓެކްޝަން އޭޖެންސީ، އީ.ޕީ.އޭއިން ވިދާޅުވީ، މާލޭ ދެކުނުފަރާތު ހާބަރަށް ވަންނަ ސަރަޙައްދުން މަރުވެފައި އޮއްވާ ފެނިފައިވަނީ 15 ވައްލަ ކަމަށެވެ.
އީ.ޕީ.އޭއިން ވިދާޅުވީ، ބޮޑަށް ބެލެވެނީ މިދޫނިތައް ގެންގުޅުމުގެ ތެރޭގައި މަރުވުމުން އެސަރަޙައްދު މޫދަށް އެއްލާލާފައިވާކަމަށެވެ. މިކަމާއި ގުޅޭ އިތުރު މަޢުލޫމާތުތަކެއް އިނގޭ ފަރާތެއްވާނަމަ އެކަން އީ.ޕީ.އޭއާއި ހިއްސާކޮށްދެއްވުމަށް އެ އެޖެންސީން ވަނީ އެދިފައެވެ.
About 15 tern carcasses have been found floating on the Southern harbor entrance near Maafanu stadium. These birds were suspected to have died from being handled & were likely dumped into the sea. We urge the public to please come forward if further information is available. pic.twitter.com/Aem9Gsi9Ez
— EPA Maldives (@EPAMaldives) November 27, 2022
ވައްލައަކީ ރާއްޖޭގައި ޙިމާޔަތްކޮށްފައިވާ ދޫނީގެ ބާވަތެކެވެ. އަދި ތިމާވެށި ޙިމާޔަތްކުރުމުގެ ޤާނޫނުގެ ދަށުން ރާއްޖޭގައި ޙިމާޔަތްކޮށްފައިވާ އެއްވެސް ދޫންޏެއް ނުވަތަ ރާއްޖެއަށް ހިޖުރަކުރާ ދޫނިތަކަށް އަނިޔާކޮށް، ގެއްލުންދީ ނުވަތަ ހިފާ ގެންގުޅުމަކީ މަނާކަމެކެވެ.