ހާރިޖީ ވަޒީރު އަބްދުﷲ ޝާހިދު ސަބިއާއަށް ކުރެއްވި ދަތުރުފުޅުގައި ދިވެހި ޒުވާނުންނަށް ތައުލީމާއި ކުޅިވަރުގެ ދާއިރާއިން އިތުރު ފުރުސަތުތަކެއް ފަހިކުރުމަށް މަޝްވަރާކޮށްފިއެވެ.
މިނިސްޓަރ ޝާހިދު މި މަޝްވަރާތައް ބާއްވާފައިވަނީ ސަރބިއާއަށް ކުރެއްވި ދަތުރުފުޅުގައި އެޤައުމުގެ ފަސްޓް ޑެޕިއުޓީ ޕްރައިމް މިނިސްޓަރ އަދި މިނިސްޓަރ އޮފް ފޮރިންގ އެފެއާޒް އޮފް ދަ ރިޕަބްލިކް އޮފް ސަރބިއާ، އިވިއްސާ ޑޭސިކްއާއެކު ބޭއްވި ބައްދަލުކުރެއްވުމުގައެވެ..
ސާބިއާގެ ފޮރިން މިނިސްޓަރަކާއެކު ބޭއްވި ބައްދަލުކުރެއްވުމުގައި ފޮރިންގ މިނިސްޓަރ ޢަބްދުﷲ ޝާހިދު ވަނީ ދެޤައުމުގެ ގުޅުން އިތުރަށް ބަދަހިކުރުމާއި ގުޅޭގޮތުން ފުޅާދާއިރާއެއްގައި މަޝްވަރާކުރައްވާފައެވެ. މިގޮތުން ރާއްޖެއާއި ސަރބިއާއި އާއި ދެމެދު ވިސާ ނެގުމެއް ނެތި ދަތުރުކުރެވޭނެ ގޮތެއް ހޯދުމަކީ މުހިއްމުކަމެއްކަމަށް މިނިސްޓަރ ޝާހިދު ވިދާޅުވިއެވެ.
މީގެ ސަބަބުން ދެޤައުމުގެ ރައްޔިތުންގެ ދެމެދުގައި ގުޅުން ބަދަހިވުމުގެ އިތުރުން ފަތުރުވެރިކަމުގެ ދާއިރާއިން ދެޤައުމުގެ ގުޅުން މިހާރަށްވުރެ ބޮޑަށް ބަދަހިވެގެންދާނޭކަންވެސް މިނިސްޓަރ ފާހަގަކުރެއްވިއެވެ. ރާއްޖެއާއި ސަރބިއާއި އާއި ދެމެދު އޮންއެރައިވަލް ވީސާ ހަމަޖެއްސުމާއި ގުޅޭގޮތުން ރާއްޖެއިން ޝައުގުވެރިކަން ފާޅުކުރުމާއި ގުޅިގެން މިކަމާއި މެދު ސަރބިއާ ސަރުކާރުން މަޝްވަރާކުރާނެކަމަށް އެ ޤައުމުގެ ހާރިޖީ ވަޒީރު ވިދާޅުވިއެވެ.
Delighted to sign an MoU on bilateral political consultations with #Serbia. This will deepen our engagement by enabling periodic consultations on areas of mutual interest.
— Abdulla Shahid (@abdulla_shahid) November 6, 2022
The Maldives is committed to working with Serbia to strengthen our bilateral relationship.???? pic.twitter.com/JyR9Kt9aQW
މި ބައްދަލުކުރެއްވުމުގައި މިނިސްޓަރ ޝާހިދު ވަނީ ތަޢުލީމީ ދާއިރާއާއި ޒުވާނުން ބާރުވެރިކުރުވުމާއި ސިއްޙީ ދާއިރާއާއި ފަތުރުވެރިކަމުގެ ދާއިރާއިން ގުޅުން ބަދަހިކުރުމާއި ގުޅޭގޮތުންވެސް މަޝްވަރާކޮށްފައެވެ. މިގޮތުން ސަރބިއާއިން ރާއްޖެއަށް ފޯރުކޮށްދޭ ސްކޯލަރޝިޕްގެ ފުރުސަތުތައް އިތުރުކުރުމަށް އެޤައުމުން ތައްޔާރަށް އޮތްކަން ވަނީ ހާމަކޮށްފައެވެ.
ސްކޮލަޝިޕްގެ އިތުރުން ސަރބިއާގެ ހާރިޖީ ވަޒީރު ވަނީ ކުޅިވަރުގެ ދާއިރާއިން 20 އާއި 25 އާއި ދެމެދުގެ ޢަދަދަކަށް ކުޅުންތެރިކަން ތަމްރީންކުރުމުގެ ފުރުސަތު ދިނުމަށް ތައްޔާރަށް އޮތްކަންވެސް ހާމަކޮށްފައެވެ. މިގޮތުން އުމުރުން 12 އަހަރާއި 18 އަހަރާއި ދެމެދު ކުދިން، ވޮލީއާއި ފުޅުބޯޅައާއި ހޭންޑްބޯޅައިގެ ދާއިރާއިން ސާބިއާގައި ތަމްރީން ކުރުމުގެ ފުރުޞަތު އެ ޤައުމުން ވަނީ ހުޅުވާލާފައެވެ.
Delighted to meet President of the National Assembly of #Serbia @Vladimir_Orlic
— Abdulla Shahid (@abdulla_shahid) November 5, 2022
Discussed the role of parliament in promoting democracy & explored avenues to enhance cooperation between??-??
Happy to learn of decision to establish a ?? ?? friendship group in Serbian parliament pic.twitter.com/WS7dVXD7fM
ފޮރިންގ މިނިސްޓަރގެ މިދަތުރުފުޅުގައި ވަނީ ރާއްޖެއާއި ސަރބިއާއާ ދެމެދު ސިޔާސީގޮތުން ގުޅުން ބަދަހިކުރުމާއި ގުޅޭގޮތުންވެސް އެއްބަސްވުމެއް ޤާއިމްކޮށްފައެވެ. މި އެމްއޯޔޫގެ ސަބަބުން ދެޤައުމުން ޝައުގުވެރިވާ ދާއިރާތަކުން ގުޅިގެން މަސައްކަތްކުރުމަށް މިހާރަށްވުރެ ބޮޑަށް ފަސޭހަވެގެންދާނެއެވެ.
ފޮރިންގ މިނިސްޓަރ ސަރބިއާއަށް ވަޑައިގަތީ އެޤައުމުގެ ފަސްޓް ޑެޕިއުޓީ ޕްރައިމް މިނިސްޓަރ އަދި މިނިސްޓަރ އޮފް ފޮރިންގ އެފެއާޒް އޮފް ދަ ރިޕަބްލިކް އޮފް ސަރބިއާ އިވިއްސާ ޑޭސިކްގެ ދަޢުވަތަކަށެވެ.
ފޮރިންގ މިނިސްޓަރ ސަރބިއާއަށް ކުރެއްވި ދަތުރުފުޅުގައިވަނީ އެޤައުމުގެ ޤާނޫނު ހަދާ މަޖިލީހުގެ ރައީސް ވްލަޑްމިއަރ އޯލެކްއާއި މަޖިލީހުގެ މެމްބަރުންނާއި ބައްދަލުކުރައްވާފައެވެ.