ކުވެއިތުގެ ގައުމީ އެއާލައިން، ކުވެއިތު އެއަރވޭޒްއިން ރާއްޖެއަށް އަލުން ދަތުރުތައް ފަށައިފިއެވެ.
ކުވެއިތު އެއަރވޭޒްއިން ރާއްޖެއަށް ދަތުރުތައް އަލުން ފަށާފައި މިވަނީ ކޯވިޑާއި ގުޅިގެން ދަތުރުތައް މެދުކަނޑާލާފައި އޮތުމަށްފަހުއެވެ.
ކުވެއިތު އެއަރވޭސްގެ ދަތުރުތައް އަލުން ފެށުމުގެ ގޮތުން މިއަދު ހެނދުނު 7:00ގައި ވެލާނާ އިންޓަނޭޝަނަލް އެއާޕޯޓަށް ޖެއްސި ކުވައިތު އެއާރވޭސްގެ ފުރަތަމަ މަތިންދާބޯޓަށް ވެލާނާ އިންޓަރނެޝަނަލް އެއަރޕޯޓުން ވަނީ ހޫނު މަރުހަބާއެއް ކިޔާފައެވެ.
ކުވައިތު އެއާރވޭސްއިން ހަފްތާއަކު 2 ދަތުރު ރާއްޖެއަށް ކުރުމަށް ހަމަޖައްސާފައިވާއިރު މި ދަތުރުތައް ކުރަނީ ކުވެއިތު އިންޓަރނޭޝަނަލް އެއާރޕޯޓުން ވެލާނާ އިންޓަނޭޝަނަލް އެއަރޕޯޓަށެވެ.
މި ދަތުރުތަކުގައި ކުވައިތު އެއަރވޭސްއިން ބޭނުން ކުރަނީ އޭ 320 މަރުކާރުގެ މަތިންދާބޯޓްކަމަށް އެމްއޭސީއެލުން މަޢުލޫމާތުދެއެވެ.
ފިނި މޫސުމާއި ދިމާކޮށް ކުވެއިތު އެއަރވޭޒްއިން ރާއްޖެއަށް ދަތުރުތައް ފަށައިފައި ވަނީ، މިދުވަސްވަރަކީ ފަތުރުވެރިންގެ މެދުގައި ރާއްޖޭގެ މަޤްބޫލުކަން ބޮޑު ދުވަސްވަރަކަށް ވާތީއެވެ.
Welcoming @KuwaitAirways to the #SunnySideofLife ?? ✈️ ??
— Velana Airport (@VelanaAirport) October 31, 2022
We are delighted to have you on board ?
| #VisitMaldives | #KuwaitAirways | #EarningYourTrust pic.twitter.com/8n0SGMcDJl
ކުވެއިތު އެއަރވޭޒްއިން ރާއްޖެއަށް ދަތުރުތައް އަލުން ފަށާފައިވާއިިރު މެދުއިރުމަތީގެ ގައުމުތަކުން ރާއްޖެއަށް ޒިޔާރަތްކުރާ ފަތުރުވެރިންގެ އަދަދު ވަނީ ވަރަށް ބޮޑަށް އިތުރުވެފައެވެ. މިއަހަރު އެ ސަރަހައްދުން 64714 ފަތުރުވެރިން ޒިޔާރަތްކޮށްފައިވާކަމަށް ޓޫރިޒަމް މިނިސްޓްރީގެ ތަފާސް ހިސާބުތަކުން ދައްކައެވެ.
ޓޫރިޒަމް މިނިސްޓްރީގެ ތަފާސް ހިސާބުތަކުން ދައްކާގޮތުގައި ސެޕްޓޭންބަރު މަހުގެ ނިޔަލަށް ކުވެއިތުން ރާއްޖެއަށް 6309 ފަތުރުވެރިން ވަނީ ޒިޔާރަތްކޮށްފައެވެ. މިދިޔަ އަހަރުގެ މިމުއްދަތުގައި 3164 ފަތުރުވެރިން ކުވެއިތުން ޒިޔާރަތްކޮށްފައިވާއިރު މިއީ މިދިޔަ އަހަރުގެ މިމުއްދަތާ އަޅާ ބަލާއިރު 99.4 އިންސައްތަ އިތުރު އަދަދެކެވެ.
ކޮންމެ އަހަރެއްގެވެސް ފަހުކޮޅަކީ ރާއްޖެއަށް ގިނަ އަދަދެއްގެ އެއަރލައިންތަކަކުން ދަތުރު ފަށާ ދުވަސްވަރެކެވެ. އަދި މި ދުވަސްވަރު ރާއްޖެއަށް ގިނަ އަދަދެއްގެ ފްރައިވެޓް ޖެޓްވެސް އާދެއެވެ. ޓޫރިޒަމް މިނިސްޓްރީން މިއަހަރު އަމާޒުހިފާފައި ވަނީ ރާއްޖެއަށް 1.6 މިލިއަން ފަތުރުވެރިން ގެނައުމަށެވެ. މިހާތަނަށް ރާއްޖެއަށް 1312993 ފަތުރުވެރިން ވަނީ ޒިޔާރަތްކޮށްފައެވެ.