މޯލްޑިވްސް ނެޝެނަލް ޑިފެންސް ފޯސް (އެމްއެންޑީއެފް) ގެ ބޭނުންތަކަށް އިންޑިއާ ސަރުކާރުން ވެހިކަލް ހަދިޔާކޮށްފިއެވެ.
އެމް.އެން.ޑީ.އެފް ގެ ބޭނުންތަކަށް އިންޑިއާއިން ހަދިޔާކުރި މި ވެހިކަލްތަކަކީ އިންޑިއާއާއި ރާއްޖެއާ ދެމެދު ހިލޭ އެހީ ދިނުމަށް ހެދިފައިވާ އެއްބަސްވުމުގެ ދަށުން ދީފައިވާ ވެހިކަލްތަކެކެވެ. މި ވެހިކަލްތައް ހަވާލުކޮށްދެއްވީ އިންޑިއާގެ ފޮރިން ސެކެޓްރީ ވިނޭ މޯހަން ކްވަތުރާ ރާއްޖެއަށް ކުރައްވަމުން ގެންދަވާ ރަސްމީ ދަތުރުފުޅުގައެވެ.
އިންޑިއާ ސަރުކާރުން ހަދިޔާކުރި ވެހިކަލްތައް އެމް.އެން.ޑީ.އެފްއާއި ޙަވާލުކުރުމަށް މިނިސްޓްރީ އޮފް ޑިފެންސްގައި ޚާއްސަ ރަސްމިއްޔާތެއް ވަނީ ބާއްވާފައެވެ ތެރެއިންނެވެ. މި ރަސްމިއްޔާތުގައި ވެހިކަލްތަކާ ހަވާލުވެވަޑައިގަތުމަށް ފަހު ޑިފެންސް މިނިސްޓަރ މާރިޔާ އަހުމަދު ދީދީ ވަނީ އަވައްޓެރި ޤައުމެއްގެ ހައިސިއްޔަތުން ހުރިހާ ގޮތަކުން ވެސް އިންޑިއާއިން ރާއްޖެއަށް ފޯރުކޮށްދެމުން އަންނަ އެހީތެރިކަމަށް ޝުކުރު އަދާކުރައްވާފައެވެ.
އިންޑިއާއިން ފޯރުކޮށްދިން އެހީގެ ދަށުން އެމް.އެން.ޑީ.އެފްއަށް 24 ޔޫޓިލިޓީ ވެހިކަލެއް ވަނީ ހަދިޔާކޮށްފައެވެ.
At a special ceremony held at MOD Foreign Secretary?? H.E.Vinay Kwatra handed over vehicles acquired under??grant aid to?? @MNDF_Official. Hon.Min @MariyaDidi thanked the Govt & people of ?? for the unconditional, generous support to their neighbour ??“at all times”@HCIMaldives pic.twitter.com/iMfBSwcLF9
— Ministry of Defence (@MoDmv) October 3, 2022
މި ރަސްމިއްޔާތަށް ފަހު ބޭއްވި މަޝްވަރާ ބައްދަލުވުމުގައި މިނިސްޓަރ މާރިޔާއާއި ވިނޭ ވަނީ ދިފާއީ ދާއިރާއިން ދެ ޤައުމުގެ ގުޅުން އިތުރަށް ވަރުގަދަކުރުމާއި ގުޅޭގޮތުން މަޝްވަރާކުރައްވާފައެވެ. މި މަޝްވަރާގައި މިނިސްޓަރ ވަނީ ރާއްޖޭގެ ދިފާއީ ބާރުގެ ކުރިއެރުމަށް އިންޑިއާއިން ދެމުން އަންނަ އެއްބާރުލުމާއި، އެހީތެރިކަން ފާހަގަކުރައްވާފައެވެ.