ދިރުވާލައިގެން ވައިގެ
މަގުން ގިނަ ޢަދަދެއްގެ މަސްތުވާތަކެތި އެތެރެކުރަން އުޅުނު މީހަކު
އަތުލައިގެންފިއެވެ.
ކަސްޓަމްސް އިން
ވިދާޅުވީ ހައްޔަރުކޮށްފައިވަނީ އިއްޔެ ހެނދުނު ސްރީލަންކަން އެއަރލައިންސް އިން
ރާއްޖެ އައި މީހެއްކަމަށެވެ. މިމީހާ
ހައްޔަރުކުރީ އޭނާ އާ މެދު ޝައްކުވެގެން، ހިފަހައްޓާ ސުވާލުކުރުމުންނެވެ. އެގޮތުން ލިބުނު
މަޢުލޫމާތުގެ އަލީގައި އެތެރެހަށި ސްކޭންކޮށް ބެލުމުގެ ތެރޭގައި އޭނާގެ ހަށިގަނޑުގައި ގިނަ ޢަދަދަކަށް މަސްތުވާތަކެތި ރައްކާކޮށްފައި ހުރިކަން
ޔަޤީންކުރެވިގެންކަމަށެވެ.
ފުލުހުންނާއި
ގުޅިގެން އޭނާގެ އެތެރެ ހަށިން އެތަކެތި ނެގުމުގެ މަސައްކަތްކުރަމުންދާކަމަށާ
މިހާތަނަށް 34 ބުލެޓް ނަގާފައިވާކަމަށް ކަސްޓަމްސް އިން ވިދާޅުވިއެވެ. އަދިވެސް އޭނާގެ
ބަނޑުތެރޭގައި އިތުރު މަސްތުވާތަކެތި ރައްކާކޮށްފައި ހުރިކަމަށް ދައްކާކަަމަށްވެސް
ކަސްޓަމްސް އިން ވިދާޅުވެއެވެ.
މިމައްސަލައިގައި
ހައްޔަރުކޮށްފައިވަނީ ކޮން ޤަޢުމެއްގެ މީހެއްކަމެއް ކަސްޓަމްސް އިން
ހާމައެއްނުކުރެއެވެ.