ރާއްޖެ އެޓޯލް ވޮލީބޯލް ޗެމްޕިއަންޝިޕުގެ އދ. އަތޮޅު ޒޯނުގައި ދިއްދޫ ރައްޔިތުންގެ ގުޅުމާއި ދަނގެތި އަންވާރު ސްޕޯޓްސް ކުލަބު ބައްދަލުކުރި މެޗުގެ ތެރެއިން ދިއްދޫ ޓީމުގެ ކުޅުންތެރިއަކު ނިޔާވެއްޖެއެވެ.
ކުޅެން ހުއްޓައި ނިޔާވެފައި ވަނީ އަތޮޅު ފެންވަރުގައި ފާހަގަކޮށްލެވޭ މޮޅު ކުޅުންތެރިއެއް ކަމަށްވާ ދިއްދޫ ނޫވިލާގޭ އަޙްމަދު އަބްދުﷲ (ޑަކީ) އެވެ. އޭނާ ކޯޓު މައްޗަށް ވެއްޓިފައިވަނީ މެޗުގެ ތިންވަނަ ސެޓުގެ ތެރެއިންނެވެ.
ކޯޗު މައްޗަށް ވެއްޓުމާއެކު އިތުރު ފަރުވާދިނުމަށް ޓީމުގެ ބައެއް ކުޅުންތެރިން މަސައްކަތްކުރިއެވެ. އެއްވެސް ހަރަކާތެއް ނެތުމުން އެއަށްފަހު މާމިގިލި ސިއްހީ މަރުކަޒަށް އޭނާ ގެންދިޔައިރުވެސް ނިޔާވެފައިވާ ކަމަށް ރިޕޯޓުތައް ބުނެއެވެ. މީގެކުރިން ހިތުގެ އޮޕަރޭޝަނެއްވެސް ކޮށްފައިވާ ޑަކީ ދިޔައީ މި މުބާރާތުގައި ދިއްދޫ ޓީމަށް މޮޅު ކުޅުމެއް ދައްކަމުންނެވެ.
ޑަކީ ނިޔާވުމާއި ގުޅިގެން ވޮލީބޯޅަ އާއިލާގެ ގިނަ މެމްބަރުން ދަނީ ހިތާމަފާޅުކުރަމުންނެވެ.