އަންނަ ނޮވެމްބަރު 11 ވަނަ ދުވަހު ރިލީޒްކުރަން ތާވަލުކޮށްފައިވާ ބޮލީވުޑް ސުޕަރ ސްޓަރ އަމީތާބް ބައްޗަން، އަނޫޕަމް ކޭރް، ބޯމަން އިރާނީ ލީޑް ރޯލުން ފެނިގެންދާ "އޫންޗާއީ"ގެ ފަސްޓް ލުކް މިވަނީ ބެލުންތެރިންނަށް ދޫކޮށްލާފައެވެ.
"އޫންޗާއީ" ގެ ފުރަތަމަ ލުކް ދައްކާލާފައިވަނީ ލީޑް އެކްޓަރު އަމީތާބް ބައްޗަންއެވެ. އަމީތާބްގެ އިތުރުން މީގައި އަނޫޕަމް އާއި ބޯމަން ވެސް ފެނެއެވެ. އެ ޕޯސްޓަރުގައި މި 3 މީހުން ހިމާލަޔާ ފަރުބަދަތަކުގައި ޓްރެކިން ކުރާތަން ފެންނައިރު ފަހަތުން މައުންޓް އެވަރެސްޓް ފެނެއެވެ.
ޓީޒާ ޕޯސްޓަރުގެ މަތީގައިވާ ޓެގްލައިންގައި ލިޔެފައިވަނީ އެމީހުންގެ ހަމައެކަނި ހިތްވަރަކަށްވީ އެކުވެރިކަން ކަމަށެވެ.
T 4369 - Celebrate #FriendshipDay with the first visual of our upcoming #Rajshri film #Uunchai. Join me, @AnupamPKher and @bomanirani on a journey that celebrates friendship. A film by @rajshri and #SoorajBarjatya, @uunchaithemovie will be in a theatre near you on 11.11.22 pic.twitter.com/rO8xLz9ALE
— Amitabh Bachchan (@SrBachchan) August 7, 2022
މި ފިލްމުގައި މި 3 ވެޓެރަން އެކްޓަރުންގެ އިތުރުން ނީނާ ގުޕްތާ، އަދި ސާރިކާ މުހިއްމު ރޯލުތަކުން ފެނިގެންދާނެއެވެ. އަދި ޕަރިނީތީ ޗޯޕްޅާގެ ޚާއްސަ ފެނިލުމެއްވެސް ފިލްމުގައި ފެނިގެންދާނެއެވެ.
ރާޖްޝްރީ ޕްރޮޑަކްޝަންސް އިން ގެނެސްދޭ މި ފިލްމަކީ، އިއުލާންކުރީއްސުރެ ބެލުންތެރިން ވަރަށް އިންތިޒާރުކުރާ ފިލްމަކަށް ވަނީ ވެފައެވެ.
މި ފިލްމުގެ މަންޒަރުތައް ނޭޕާލް، ދިއްލީ، މުމްބާއީ، އާގްރާ، ލަކްނޯ، އަދި ކާންޕޫރުގައިވެސް ވަނީ ޝޫޓްކޮށްފައެވެ. މި ފެމިލީ ޑްރާމާ އަކީ 7 އަހަރަށްފަހު ޑައިރެކްޓަރު ސޫރާޖް އާރް ބާޖަތުޔާ ބޮޑު ސްކްރީނަށް އެނބުރި އައުމެވެ.