ކުޑަގިރީގައި ފެނަކައިން ތަރައްޤީކުރި އިންޖީނުގޭގެ މަސައްކަތް ނިންމައި ރަށަށް ބޭނުންވާ ކަރަންޓު ފޯރުކޮށްދިނުމުގެ ޚިދުމަތް ރަސްމީކޮށް ފަށައިފިއެވެ. މި ޚިދުމަތް ފައްޓަވައިދެއްވީ ރައީސުލްޖުމްހޫރިއްޔާގެ ނައިބު ފައިސަލް ނަސީމްއެވެ.
މި އިންޖީނުގެއަކީ 350 ކިލޯވޮޓްގެ އިންޖީނުގެއެވެ. އިންޖީނުގެއާއެކު 50،000 ލީޓަރުގެ ތެޔޮ ރައްކާކުރެވޭނެ ވަސީލަތްވެސް ވަނީ ޤާއިމުކޮށްފައެވެ. އިންޖީނުގެ ތަރައްޤީކޮށްފައިވަނީ، ހަކަތަ ފޯރުކޮށްދޭ އެންމެ ޒަމާނީ އިންޖީނުގެއެއްގެ ގޮތުގައެވެ.
މި އިންޖީނުގެ ކުރިމަގުގައި ތަރައްޤީވެގެން އަންނާނީ ވީހާވެސް ބޮޑަށް ތިމާވެއްޓާ ރައްޓެހި ގޮތަކަށް ކަމަށް ފެނަކައިން ބުނެއެވެ. އެގޮތުން ކުޑަގިރިއަށް ބޭނުންވާ ކަރަންޓުގެ %70އާ ހަމައަށް، އަވިން ހަކަތަ އުފައްދާ ނިޒާމު ޤާއިމުކުރުމުގެ މަސައްކަތްވެސް މިހާރު ފަށާފައިވާކަމަށް އެ ކުންފުނިން ބުނެއެވެ.
ދަތުރު ދިއުމަށް ޚާއްސަ ރަށެއްގެ ގޮތުގައި ތަަރައްޤީކުރާ ކުޑަގިތިއަކީ، މިފަދަ ރަށަކަށް ބޭނުންވާ ހުރިހާ ޚިދުމަތްތަކާއެކު ތަރައްޤީކުރާ ރަށެކެވެ. ރަށަށް ބޭނުންވާ އެހެނިހެން ޔުޓިލިޓީ ޚިދުމަތްތައް ޤާއިމުކުރުމުގައި ގެނަކައިގެ އިތުރުން އެމްޑަބްލިއުއެސްސީ އަދި ސްޓެލްކޯއިން ދަނީ ހަރަކާތްތެރިވަމުންނެވެ.
ކުޑަގިރިން، ކުރިން މިނިވަން ދުވަހު ހުޅުވުމަށް ނިންމި ނަމަވެސް ސަރުކާރުން މިހާރުވަނި އެ ތާރީޚު ފަސްކޮށްފައެވެ.