ވިނަރެސް ހައުސިން މަޝްރޫޢުން ފްލެޓް ގަންނަން ބޭނުންވާ މީހުންނަށް، ފްލެޓްތައް ބަލާލުމަށް ޓުވަރއެއް ބޭއްވުމަށް އެޗްޑީސީން ނިންމައިފިއެވެ. މީގެ އިތުރުން މަޢުލޫމާތު ދިނުމުގެ ސެޝަންގައި ބައިވެރިވުމަށްވެސްވަނީ ފުރުޞަތު ހުޅުވާލާފައެވެ.
ވިނަރެސް ހައުސިން މަޝްރޫޢަކީ ސަރުކާރުން އެޗްޑީސީއާ ގުޅިގެން ފަށާފައިވާ މެދުފަންތީގެ ބޯހިޔާވަހިކަމުގެ މަޝްރޫޢުއެކެވެ.
10 ޓަވަރު ތަރައްޤީކޮށްފައިވާ ވިނަރެސް މަޝްރޫޢުގައި 1344 ފްލެޓު ހިމެނެއެވެ. މިމަޝްރޫޢުގެ މަސައްކަތް ނިމުމަކާ، ގާތްވެފައިވާއިރު، އެޗްޑީސީން މިހާރު ތައްޔާރުވަމުންދަނީ ފްލެޓްތައް ވިއްކުމުގެ މަސައްކަތަށެވެ.
މިއާ ގުޅިގެން މިމަޝްރޫޢާ ގުޅޭ މަޢުލޫމާތާއި ފްލެޓުތަކަށް ފައިސާ ދެއްކޭނެ ގޮތްތަކާގުޅޭ މަޢުލޫމާތު ދިނުމުގެ ސެޝަނެއް ކުރިއަށްގެންދިއުމަށްވަނީ ނިންމާފައެވެ. އަދި ފްލެޓްތައް ތަރައްޤީކޮށްފައިވާ ގޮތް އާއްމުންނަށް ދައްކާލުމަށް، ވިނަރެސްއަށް ޒިޔާރަތްކުރުމުގެ ހަރަކާތެއްވެސް ބޭއްވުމަށް ވަނީ ހުޅުވާލާފައެވެ.
މަޢުލޫމާތު ދިނުމުގެ ސެޝަންއާއި، އެޕަރޓްމަންޓްތައް ބަލާލަން ބޭނުންވާ މީހުން އެޗްޑީސީގެ ޕޯޓަލް މެދުވެރިކޮށް އޮންލައިންކޮށް ނަން ނޯޓް ކުރުމަށްވަނީ ހުޅުވާލާފައެވެ.
ވިނަރެސް އެޕާޓްމަންޓްތައް ބަލާލުމަށާއި މަޢުލޫމާތު ސެޝަންތަކުގައި ބައިވެރިވުމަށް ހުޅުވާލުން
— HDC (@hdcmaldives) June 2, 2022
އެނައުންސްމަންޓް ލިންކު https://t.co/4rlpxgt59w
މައުލޫމާތު ސެޝަންގައި ރަޖިސްޓަރ ކުރެއްވުމަށްhttps://t.co/FUdxF6Rwlc
އެޕާރޓްމެންޓު ބައްލަވާލެއްވުމަށް https://t.co/YMHFUZRnKw pic.twitter.com/4O2obdpWvP
މަޢުލޫމާތު ދިނުމަށް ބާއްވާ ސެޝަން އޮންނާނީ އޮންލައިންކޮށެވެ. ނަމަވެސް ސާމްޕަލް ފްލެޓް ބާލާލުމަށް ދާން ބޭނުންވާ ދުވަހާއި ގަޑި ޖެހުމަށްފަހު ރެޖިސްޓްރީ ކުރެވޭނެއެވެ. އެޕަރޓްމަންޓް ޓުއަރ ތަކަކީ 20 މިނެޓުގެ ޓުއަރއެކެވެ.
އެޕަރޓްމަންޓްތައް ބަލާލުމުގެ ފުރުޞަތު އަންނަ އާދިއްތަ ދުވަހުން ފެށިގެން އޮގަސްޓްގެ ނިޔަލަށް ލިބޭނެކަމަށް އެޗްޑީސީން މަޢުލޫމާތުދެއެވެ. މީގެތެރޭގައި ހަފްތާ ބަންދާއި ސަރުކާރު ބަންދު ދުވަސްތަކެއް ނުހިމެނޭނެއެވެ.
ވިނަރެސް ޓަވަރުތައް ތަރައްޤީކޮށްފައިވަނީ ހުޅުމާލެ ދެވަނަ ފިޔަވަހީގެ ހިތިގަސް މަގުގައެވެ.
ޕްރޮޖެކްޓްގައި ހިމެނެނީ 902 އަކަފޫޓުގެ އެޕަރޓްމަންޓްތަކާއި، 883 އަކަފޫޓުގެ އެޕަރޓްމަންޓްތަކެވެ. މިއީ މުޅިންވެސް 3 ކޮޓަރީގެ އެޕަޓްމަންޓްތަކެވެ. ނަމަވެސް މީގެ ފްލެޓްތައް އެކި ކެޓަގަރީތަކަށްވަނީ ބަހާފައެވެ.
މަަޢުލޫމާތު ދިނުމަށް ބާވާ ސެޝަންތަކުގައި ކެޓަގަރީތަކުގެ ތަފްސީލާއި، އަދި އަގުތަކާއި، ފްލެޓަށް ކުރިމަތިލުމުގެ ޝައުތުތަކާއި ގުޅޭ މަޢުލޫމާތު ޙިއްސާކުރާނެއެވެ.