އިސްކަންދަރު މަގުގައި ހުރި ގަރާޖެއްގައި އަލިފާނުގެ ޙާދިސާއެއް ހިނގުމާގުޅިގެން އެމް.އެން.ޑީ.އެފްގެ ފަޔަރ އެންޑް ރެސްކިއު ޓީމުން ހަރަކާތްތެރިވަނީ / ފޮޓޯ: ޕީ.އެސް.އެމް ނިއުސް
މާލޭގެ ގަރާޖެއްގައި އަލިފާނުގެ ޙާދިސާއެއް ހިނގައިފިއެވެ.
މި ޙާދިސާ ހިނގާފައިވަނީ އިސްކަންދަރު މަގުގައި ހުރި އޭ.އެސް.އެމް ގަރާޖުގައިކަމަށް އެމް.އެން.ޑީ.އެފުން ވިދާޅުވެއެވެ. މިހާދިސާގައި އަލިފާން ރޯވެފައިވަނީ ގަރާޖުގައި ބޭނުންކުރާ ގޭސް ސިލިންޑަރެއްގައެވެ. އަދި އަލިފާން ރޯވުމުގެ ސަބަބުން ގަރާޖުތެރޭގައި އޮތް ކާރަކަށާއި، އެތަނުގައި ބޭނުންކުރާ ބައެއް ތަކެއްޗަށް އެކިވަރުގެ ގެއްލުން ވަނީ ލިބިފައެވެ.
މި ޙާދިސާ ހިނގުމާއެކު އެމް.އެން.ޑީ.އެފްގެ ފަޔަރ އެންޑް ރެސްކިއު ޓީމުން ވަނީ އެ ސަރަޙައްދުގައި ހަރަކާތްތެރިވެފައެވެ. އަދި ގަރާޖުގައި ރޯވި އަލިފާން މިރޭ 9:28 ހާއިރު ނިއްވާލާފައިވާކަމަށް އެމް.އެން.ޑީ.އެފުން ވިދާޅުވެއެވެ..
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ