ރަޝިޔާއިން ދެމުންދާ ވަރުގަދަ ޙަމަލާތަކުން ދިފާޢުވުމަށް ޔޫކްރެއިނަށް އިތުރު 540 މިލިޔަން އެމެރިކާ ޑޮލަރުގެ ޒަމާނީ ހަތިޔާރު ވިލާތުގެ އިއްތިޙާދުން ފޯރުކޮށްދިނުމަށް ނިންމައިފިއެވެ.
ވިލާތުގެ ކައުންސިލުގެ ރައީސް ޗާލްސް މިޝެލް ވިދާޅުވީ ޔޫކްރެއިނަށް އިތުރު ހަތިޔާރު ފޯރުކޮށްދިނުމަށް ވިލާތުގެ އިއްތިޙާދުގެ 27 ޤައުމުން އެއްބަސްވެފައިވާކަމަށާއި އެންމެ ފަހުން ފޯރުކޮށްދޭން ނިންމި ހަތިޔާރުތަކާއެކު ހަނގުރާމަ ފެށުނުފަހުން ޔޫކްރެއިނަށް ޖުމުލަ 1.63 ބިލިޔަން އެމެރިކާ ޑޮލަރުގެ އަގުހުރި ހަތިޔާރު ފޯރުކޮށްދޭނެކަމަށެވެ. އެ ޢަދަދަކީ ވަރަށް ބޮޑު ޢަދަދެއްކަމަށް ހީވި ނަމަވެސް އެއީ ރަޝިޔާއިން ތެލާއި ގޭސް ގަންނަން ވިލާތުން ދުވާލެއްގެ މައްޗަށް ޚަރަދުކުރާ ޢަދަދާ އެއްވަރު ޢަދަދެއްކަމަށް އޭނާ ފާހަގަކުރެއްވިއެވެ. ޔޫކްރެއިނަށް ހަތިޔާރު ފޯރުކޮށްދިނުމަށް ބޭނުންކުރުމަށް ނިންމާފައިވަނީ ވިލާތުގައި ޞުލްޙަ ޤާއިމުކުރުމަށް އުފައްދާފައިވާ ފަސް ބިލިޔަން 5.5 ބިލިޔަން އެމެރިކާ ޑޮލަރުގެ ފަންޑަކުންނެވެ.
ވިލާތުގެ އިއްތިޙާދާއި ހުޅަނގުގެ އަސްކަރީ އިއްތިޙާދު، ނޭޓޯގެ އިތުރުން އެމެރިކާއިންވެސްވަނީ އެއް ބިލިޔަން އެމެރިކާ ޑޮލަރުގެ އަގުހުރި ޒަމާނީ ހަތިޔާރު ޔޫކްރެއިނަށް ފޮނުވުމަށް ނިންމައިފައެވެ.