ރައްޔިތުންގެ މަޖިލީހުގެ ރައީސް އަދި އެމްޑީޕީގެ ރައީސް، މުޙައްމަދު ނަޝީދު އެމަނިކުފާނުގެ ސިޔާސީ ތަޖުރިބާއަށް ރިޔާއަތްކުރައްވާ، ޤާނޫނު އަސާސީއަށް ގިނަ އިޞްލާހުތަކެއް ގެންނަވަންޖެހޭކަން ހާމަކުރައްވައިފިއެވެ. އެމަނިކުފާނު މިކަންކަން ހާމަކުރެއްވީ "މުޅި ރާއްޖޭގެ ފަރާތުން ވަކާލާތުކުރުން" ނަމުގައި ޢާންމުކުރެއްވި ލިއުއްވުމުގައެވެ.
ރައީސް ނަޝީދުގެ ލިޔުއްވުމުގައި މިހާރު ޢަމަލުކުރަމުން އަންނަ ޤާނޫނުއަސާސީ ވަނީ ވެރިކަމުގެ ސިފައަށް ބޮޑު ބަދަލުތަކެއް ގެނެސްފައިކަމަށް ވިދާޅުވިއެވެ. އަދި ގިނަ ބަދަލުތަކަކީ އިންތިހާއަށް ބޭނުންތެރި ބަދަލުތަކެއްކަމަށްވެސް ރައީސް ނަޝިދު ވިދާޅުވިއެވެ.
ރައީސް ނަޝީދު ހުށައަޅުއްވާ ހިޔާފުޅުތައް
- ރިއާސީ އިންތިހާބުގައި އެންމެ ގިނަ ވޯޓް ހޯދާ ކެނޑިޑޭޓަކު މޮޅުވީކަމަށް ކަނޑައެޅުން
- ކޯލިޝަނުން ހޮވޭ ސަރުކާރަށް ޕާޓިތައް ބެހޭ ނިސްބަތް ކަނޑައެޅުން
- މަޖލީހުގައި ގައުމީ ނަޒަރަކުން ވަކާލާތު ކުރާނެ މެމްބަރުން ކަނޑައެޅުން
ރައީސް ނަޝީދު ވިދާޅުވީ ގައުމީ ނަޒަރަކުން ކަންކަމާއި ވަކާލާތު ކުރާނެ މެމްބަރުން މަޖިލީހުގައި ބޭތިއްބުމަށް ނޭޝަނަލް ލިސްޓްގެ މެންބަރުންގެ ބޭނުންތެރިކަން އެތައް ގައުމެއްގެ ސިޔާސީ ހަޔާތް ކަށަވަރު ކޮށްދީފައިކަމަށެވެ.
އެގޮތުން ގިނަ ގައުމުތަކެއްގެ މަޖިލިސް އެކުލެވިގެން ވަނީ ގައުމީ ލިސްޓެއްގައި މެމްބަރުން ހިމެނޭ ގޮތަށްކަމް ނަޝީދު ވަނީ އެމަނިކުފާނުގެ ލިޔުމުގައި ފާހަގަކުރައްވާފައެވެ.
މީގެއިތުރުން އަންހެނުން ބާރުވެރިކަން އިތުރުކުރުމަށް ބައެއް ބަދަލުތައް ގާާނޫނު އަސާސީއަށް ގެންނަށްޖެހޭކަންވެސް ރައީސް ނަޝީދު ވަނީ ފާހަގަކުރައްވާފައެވެ.