ޔުއޭފާ ވިމެންސް ޗެމްޕިއަންސް ލީގުގެ ފައިނަލްގައި މިދިޔަ ސީޒަންގައި އެއްކޮޅުން ކުޅުނު ޗެލްސީ ވިމެން މިފަހަރުގެ މުބާރާތުގެ ގްރޫޕް ސްޓޭޖުން ކަޓައިފިއެވެ. މިމުބާރާތުގެ ގްރޫޕް ސްޓޭޖުން ޗެލްސީ މުބާރާތަށް އަލްވަދާއު ކިޔަން ޖެހުނީ ގްރޫޕް އޭގައި ރޭ ވީއެފްއެލް ވުލްފްސްބަރގް ލޭޑީޒް އާއި ބައްދަލުކުރިމެޗުން ރަށުން ބޭރުގައި ހަތަރު ސުންލަނޑުން ބަލިވުމުންނެވެ.
މިނަތީޖާގެ ސަބަބުން ގްރޫޕް ސްޓޭޖްގެ ހުރިހާ މެޗެއް ކުޅެނިމުނުއިރު މިގްރޫޕްގެ ތިން ޓީމްވަނީ 11 ޕޮއިންޓުން އެއްވަރު ވެފައެވެ. ރޭގެ މެޗްތާ މިޓީމްތަކުން ކުރިމަތިލިއިރު ގްރޫޕްގެ އެއްވަނައިގާ އޮތީ ޗެލްސީއެވެ. ނަމަވެސް މިޓީމް ހެދް ޓު ހެޑް ރިކޯޑަށް ބަލާލާއިރު ޗެލްސީ ދަނީ ތިންވަނައަށެވެ. ރޭގެ މެޗްގައި ވުލްފްސްބަރގުން ޖެހި ފުރަތަމަ ލަނޑު މެޗްގެ 16 ވަނަ މިނެޓްގައި ޖަހާ ލީޑު ނަގައިދިނީ ސްވެންޔާ ހޫތެވެ. އަދި އެޓީމުގެ ދެވަނަ ލަނޑު މެޗްގެ 23 ވަނަ މިނެޓްގައި ޖަހައިދިނީ ވެސް ހޫތެވެ. އަދި އެޓީމުގެ ފަހު ދެލަނޑު މެޗްގެ 59 ވަނަ މިނެޓާއި 78 ވަނަ މިނެޓްގައި ޖަހައިދިނީ ޓަބިއާ ވަސްމުތު. މިގްރޫޕްގައި ދެން ހިމެނޭ ދެޓީމް ކަމަށްވާ ޔުވެންޓަސް ފެމިނީލޭ އާއި ސަރވެޓް ވިމެން ބައްދަލުކުރިމެޗް ހަތަރު ލަނޑު ސުންލަނޑުން ކާމިޔާބުކުރީ ޔުވެންޓަސްއެވެ. އެހެން ކަމުން ޔުވެންޓަސް ވަނީ މިގްރޫޕްގެ ދެވަނަ މަގާމް ޗެލްސީގެ ކުރިން ހޯދާފައެވެ.
މިއީ ވަރަށް ފަހުން އިނގިރޭސި އެފް އޭ ކަޕް ކާމިޔާބުކުރި ޗެލްސީއަށް ލިބިގެންދާނެ ވަރަށް ބޮޑު ނާކާމިޔާބީއެކެވެ.