އިންޑިޔާގެ ޗީފް އޮފް ޑިފެންސް ސްޓާފް ޖެނެރަލް ބިޕިން ރަވާތު އަވަހާރަވުމާއި ގުޅިގެން ރައީސުލްޖުމްހޫރިއްޔާ އިބްރާހިމް މުހައްމަދު ސާލިހު ތައުޒިޔާ ވިދާޅުވެއްޖެއެވެ.
ޖެނެރަލް ބިޕިން މިއަދު އަވަހާރަވީ އޭނާ ދަތުރުކުރެއްވި ހެލިކޮޕުޓަރު ވެއްޓި ހިނގި ހާދިސާއެއްގައެވެ.
ރައީސުލްޖުމްހޫރިއްޔާ އިބްރާހިމް މުހައްމަދު ސާލިހު ކުރެއްވި ޓްވީޓެއްގައި ވިދާޅުވީ އިންޑިއާގެ ޗީފް އޮފް ޑިފެންސް ސްޓާފް ޖެނެރަލް ބިޕިން ރާވަތު އަވަހާރަވި ޚަބަރު އެއްސެވީ ފުން ހިތާމައާއެކު ކަމުގައެވެ.
ރައީސް ސާލިހު ވިދާޅުވީ 2019 ވަނަ އަހަރު ޖެނެރަލް ބިޕިންއާ ބައްދަލުކުރެއްވުމުގެ ފުރުޞަތު ލިބިވަޑައިގެންނެވިކަމަށާއި، ޖެނަރަލް ބިޕިންއަކީ އެހެން ހުރިހާ ކަމަކަށްވުރެ ޤައުމީ މަސްލަހަތު އިސްކުރެއްވި ބޭފުޅެއްކަމަށެވެ.
Saddened to hear of the tragic passing of #India's Chief of Defense Staff General Bipin Rawat. I had the honor of meeting him in 2019 - a true soldier who put service to his nation above all else.
— Ibrahim Mohamed Solih (@ibusolih) December 8, 2021
My condolences to his family and the Indian nation for their loss. @HCIMaldives pic.twitter.com/cCfU9Vt9el
ރައީސުލްޖުމްހޫރިއްޔާގެ ޓްވީޓުގައި ޖެނެރަލް ބިޕިން އަވަހާރަވުމާއި ގުޅިގެން އެމަނިކުފާނުގެ އާއިލާއާއި އިންޑިއާ ސަރުކާރަށް ތައުޒިޔާ ވަނީ ވިދާޅުވެފައެވެ.
ރައީސުލްޖުމްހޫރިއްޔާގެ އިތުރުން، ޑިފެންސް މިނިސްޓަރ މާރިޔާ އަހުމަދު ދީދީއާއި ފޮރިން މިނިސްޓަރ އަބްދުﷲ ޝާހިދުވެސް ވަނީ ޖެނަރަލް ބިޕިން އަވަހާރަވުމާއި ގުޅިގެން ތައުޒިޔާ ވިދާޅުވެފައެވެ.
Deeply shocked by the tragic news of the sad demise of CDS Gen Bipin Rawat & Madam Rawat. We have lost a good friend who worked hard to further Maldives??India??Defence Partnership. Our heartfelt condolences to the ?? Armed Forces & his loved ones @HCIMaldives @SpokespersonMoD pic.twitter.com/jOlXs2Rh3p
— Mariya Didi ? (@MariyaDidi) December 8, 2021
Deepest condolences to the families and loved ones of Chief of Defence Staff Gen Bipin Rawat, and 12 others, who lost their lives in the fatal helicopter crash near Coonoor, #India.
— Abdulla Shahid (@abdulla_shahid) December 8, 2021
Our sincere condolences also, to the Government and people of #India ?? pic.twitter.com/NItCRINHfa
އިންޑިޔާގެ ވައިގެ ސިފައިން ބުނެފައިވާ ގޮތުގައި ޖެނެރަލް ބިޕިން ދަތުރުކުރެއްވި ހެލިކޮޕުޓަރު ވެއްޓިފައިވަނީ އެ ޤައުމުގެ ދެކުނުގައި އޮންނަ ޓެމިލް ނާޑޫގެ ސައިފަތް ދަނޑެއް ކައިރިއަށެވެ.
އެ ޙާދިޘާގައި ޢުމުރުފުޅުން 63 އަހަރުގެ ބިޕިންގެ އިތުރުން، އޭނާގެ އަނބިކަނބަލުން މަދޫލިކާ ރަވާތާއި، އިންޑިއާ އަސްކަރިއްޔާގެ އޮފިޝަލުންތަކެއް ވަނީ މަރުވެފައެވެ.