އއ. މަތިވެރި
މަތިވެރީގައި ހިނގި މާރާމާރީއެއްގެ މައްސަލަ ތަޙުގީގުކުރަމުން އަންނަކަމަށް މޯލްޑިވްސް ޕޮލިސް ސަރވިސްއިން ވިދާޅުވެއްޖެއެވެ.
ފުލުހުން ވިދާޅުވީ އިއްޔެ ހަވީރު 04:50 ހާއިރު ފުލުހުންނަށް ރިޕޯޓުކޮށްފައިވަނީ މަތިވެރި ގެސްޓްހައުސްއެއްގައި ހިނގި މާރާމާރީއަކާއި ގުޅޭ މައްސަލައެއްކަމަށެވެ. މިމާރާމާރީގައި މަތިވެރީގައި ހިންގަމުން އަންނަ ގެސްޓްހައުސްއެއްގައި ތިބި ބަޔަކު އެތަނަށް ދިޔަ ބައެއްގެ ގައިގައި ތަޅައިގަނެ މާރާމާރީ ހިންގުމުގެ ސަބަބުން އެކަކަށް އަނިޔާވެފައިވާކަމަށް ފުލުހުން ވިދާޅުވެއެވެ. އެހެންނަމަވެސް އެމީހާއަށް ބޮޑު އަނިޔާއެއް ލިބިފައިނުވާކަމަށް ފުލުހުންވަނީ ވިދާޅުވެފައެވެ.
މިމައްސަލައާއި ގުޅޭ އިތުރު ތަފްސީލެއް ފުލުހުން ހާމަނުކުރައްވައެވެ. ފުލުހުން ވިދާޅުވީ މާރާމާރީގެ މިމައްސަލަ މިހާރު ފުލުހުން ތަޙުގީގުކުރަމުން އަންނަކަމަށެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ