މައިލޯ ވީއޭއެމް ޔޫތު ޗެމްޕިއަންޝިޕްގެ ފުރަތަމަ މެޗް ޕޮލިސް ކްލަބް ކާމިޔާބުކޮށްފިއެވެ. ޒުވާނުންގެ މަރުކަޒުގެ އެތެރޭ ކޯޓްގައި މިއަދު ފެށި ޔޫތު ޗެމްޕިއަންޝިޕް ވޮލީބޯޅަ މުބާރާތުގެ ފުރަތަމަ މެޗް ޕޮލިސް ކްލަބް ކާމިޔާބުކުރީ ސްޕޯޓްސް ކްލަބް ގުޑީސްއާ ވާދަކޮށް 3 ސެޓް 1 ސެޓުންނެވެ. މެޗްގެ ފުރަތަމަ ސެޓް 25/17ން ގެންދިޔައީ ޕޮލިސް ކްލަބެވެ. 2 ވަނަ ސެޓް ގުޑީސް ގެންދިޔައީ 25/21 ނެވެ. ޖެހިގެންއައި 2 ސެޓް ޕޮލިސް ކްލަބް ކާމިޔާބުކުރީ 25/09 ، 21/25 ންނެވެ. މިމެޗްގެ މޮޅު ކުޅުންތެރިއަކީ ޕޮލިސް ކްލަބްގެ އައިމިނަތު ޖޫޒަންއެވެ. މިމުބާރާތުގައި މިރޭ ކުޅޭނީ ފިރިހެން ޑިވިޝަންގެ މެޗެކެވެ. މި މެޗްގައި ބައްދަލުކުރާނީ ޔޫތު ސްޕޯތްސް ކްލަބާއި ފެލިދޫ ޒުވާނުންގެ އެކުވެރިންގެ ދިރުމެވެ.މިމުބާރާތުގެ އަންހެން ބައިގައި ވާދަކުރަނީ 3 ޓީމެވެ. ފިރިހެން ބައިގައި ވާދަކުރަނީ 5 ޓީމެވެ.