ރާއްޖޭގެ އިޤްތިޞާދީ ސަރަޙައްދުގައި ޤަވާއިދާ ޚިލާފަށް މަސްވެރިކަން ކުރަމުން ދިޔަ ބޭރުގެ 2 މަސްބޯޓެއް އެމްއެންޑީއެފްގެ ބެލުމުގެ ދަށަށް ގެންގޮސްފިއެވެ.
އެމްއެންޑީއެފްއިން ވިދާޅުވީ ރާއްޖޭގެ ކަނޑުގެ ސަރަޙައްދުގައި ޤަވާއިދާ ޚިލާފަށް ވަދެ މަސްވެރިކަން ކުރަމުންދަނިކޮށް މީގެ ތެރެއިން އެއް ބޯޓު އަތުލައިގެންފައިވަނީ މިދޔަ ހޮނިހިރު ދުވަހުގެ ހަވީރު 17:55 ހާއިރުކަމަށެވެ. އަދި އަނެއް ބޯޓު އަތިލައިގެންފައިވަނީ ރޭ ފަތިހު 5:34 ހާއިރުކަމަށެވެ. އެމްއެންޑީއެފްއިން ވިދާޅުވީ މި ދެ އޮޕަރޭޝަން ކުރިއަށް ގެންދިޔުމުގައި "އަސުރުމާ 3" ކިޔާ ދޯނީގެ އެހީތެރިކަން ވަރަށް ބޮޑަށް ލިބިފައިވާކަމަށެވެ.
Raajjeyge EEZ ge thereygai qavaaidhaa hilaafah vadhegen ulhunu beyruge 2 mas boateh MNDF Coast Guard ge belumuge dhashah genesfi. Mi 2 boat ge therin furathama boat fenifai vanee Sep 11 vana dhuvahuge 17:55 haairu.
— Maldives National Defence Force (@MNDF_Official) September 13, 2021
ރާއްޖޭގެ ކަނޑުގެ ސަރަޙައްދު ޙިމާޔަތްކުރުމަށް އެމްއެންޑީއެފްގެ ކޯސްޓުގާޑުން އަންނަނީ އަވަށްޓެރި ޤައުމުތަކާއި ގުޅިގެން މަސައްކަތްކުރަމުންނެވެ. ރާއްޖޭގެ ކަނޑުގެ ސަރަޙައްދަކީ ބޮޑު ސަރަޙައްދަކަށްވުމުން ބެލެހެއްޓުމުގައި ގިނަ ގޮންޖެހުންތަކެއް ކުރިމަތިވީ ނަމަވެސް ކޯސްޓްގާޑުގެ ވަޞީލަތްތައް އިތުރަށް ހަރުދަނާކޮށް މަސްކަނޑުތައް ޙިމާޔަތްކޮށް ކަނޑުގެ ސަރަޙައްދުގައި ހިނގާ އެންމެހާ ކުށް ހުއްޓުވުމަށް އެކި މުވައްސަސާތައް ގުޅިގެން އަންނަނީ މަސައްކަތްކުރަމުންނެވެ. އެގޮތުން މިމަހުގެ ތެރޭގައި އެކަނިވެސް މިފަދަ ދެ އުޅަނދެއް ހުއްޓުވާފައިވެއެވެ.