އެކްސްޕޯގައި ބައިވެރިވުމުގެ މުއްދަތު މިއަދަށް އިތުރުކޮށްދީފި

އެކްސްޕޯ މޯލްޑިވްސް
2015 ގައި ބައިވެރިވުމުގެ ފުރުޞަތު މިއަދަށް އިތުރުކޮށްދީފިއެވެ.





މަޢުރަޒު އޮފީހުން
ވިދާޅުވީ އެކްސްޕޯގައި ބައިވެރިވުމުގެ ފުރުޞަތު އިތުރުކޮށްދިނީ، ގިނަ
ފަރާތްތަކަކުން ފޯމު ހުށައަޅަމުންދިއުމާއި، އަދި ވިއްސާރަވުމުގެ ސަބަބުން ފޯމު
ހުށައެޅުމުގައި ބައެއް ފަރާތްތަކަށް ދަތިތަކަކާއި ކުރިމަތިލާންޖެހިފައިވާތީކަމަށެވެ.



އެހެންކަމުން މިހާރު އެކްސްޕޯގައި ބައިވެރިވުމުގެ އެންމެފަހުގެ ސުންގަޑިއަކީ
މިއަދު ހަވީރު 4 ޖެހުމާއި ހަމައަށެވެ. އެހެންނަމަވެސް އެކްސްޕޯގައި ތަކެތި
ބައިވެރިކުރާ ފަރާތްތަކުން މިހާރުވެސް ކަޑައެޅިފައިވާ ތާރީޚްކަމަށްވާ 5 ޑިސެމްބަރަށް، މަޢުރަޒުގައި ބައިވެރިކުރުމަށް ފޮނުވާ ތަކެތި މަޢުރަޒު އޮފީހަށް ފޮނުވަންޖެހޭކަމަށް މަޢުރަޒު އޮފީހުން
މައުލޫމާތުދެއްވައެވެ.



އެކްސްޕޯ މޯލްޑިވްސް 2015 ގައި ގިނަ ބަޔަކު
މިހާރުވެސް ބައިވެރިވެފައިވާއިރު، މިފަހަރުގެ ފެއާރާގައި ދިވެހި ކޮންމެ
އުފެއްދުމަކަށްވެސް ޖާގަދެވޭނެކަމަށް މައުރަޒު އޮފީހުން މައުލޫމާތުދެއެވެ. ތަފާތު އުފެއްދުންތައް އުފައްދާ ފަރާތްތަކުން މިހާރުވެސް އެކްސްޕޯއަށް ތަކެތި ތައްޔާރުކުރުމުގައި އަވަދިނެތިވާއިރު، އޭގެ ތެރޭގައި ވަރަށް ތަފާތު ކަވި މަސައްކަތުން އުފައްދާފައިވާ ތަކެތިވެސް ހިމެނޭކަން ފާހަގަކޮށްލެވެއެވެ. އެކްސްޕޯ މޯލްޑިވްސް 2015 ބޭއްވުމަށް
ހަމަޖެހިފައިވަނީ މިމަހުގެ 22 ން 28 އަށް ދަރުބާރުގޭގައެވެ.