ގޯލްޑް ކަޕް ފުޓްބޯޅަ މުބާރާތުގެ ފައިނަލުން މެކްސިކޯ ޖާގަހޯދައިފިއެވެ. މިމުބާރާތުގެ ފައިނަލުން މެކްސިކޯ ޖާގަހޯދީ ސެމީފައިނަލްގައި ކެނެޑާ އާއި ބައްދަލުކޮށް 2 ލަނޑު އެއްލަނޑުން ކާމިޔާބުކޮށްގެންނެވެ.
ދެ ޓީމްގެ ފަރާތުން ވާދަވެރި ކުޅުމެއް ފެނިގެންދިޔަ މިމެޗްގައި ފުރަތަމަ ލަނޑު މެޗްގެ ފުރަތަމަ ހާފްގެ އިތުރު ވަގުތުގައި ލިބުނު ޕެނަލްޓީއަކުން ކާމިޔާބުކުރީ މެކްސިކޯއެވެ. މިލަނޑު އެޓީމަށް ކާމިޔާބުކޮށްދިނީ އޯބެލިން ޕިނޭޑާއެވެ. ނަމަވެސް ކެނެޑާގެ ޓާހޯން ބުޗަނަން ޖަހާދިން ލަނޑާއެކު މެޗްގެ ނަތީޖާ ހަމަހަމަވިއެވެ. މިމެޗުން މެކްސިކޯ މޮޅުވި ލަނޑު ދެވަނަ ހާފްގެ އިތުރު ވަގުތުގައި ޖަހާދިނީ ހެކްޓަރ ހެރޭރާއެވެ. މިމެޗްގެ ދެވަނަ ހާފްގައި ކުޅިވަރުގެ ރޫހާ ހިލާފަށް ކުޅިބެލުންތެރިން އަޑު ގަދަ ކުރަމުންދިއުމުގެ ސަބަބުން ރެފްރީވަނީ ވަގުތުކޮޅަކަށް މެޗްގެ ކުޅުން މެދުވެސް ކަނޑާލާފައެވެ.
މިކާމިޔާބީއާއެކު މެކްސިކޯ މިމުބާރާތުގެ ފައިނަލުން ޖާގަހޯދާފައިވާއިރު ފައިނަލްގައި އެޓީމް ބައްދަލުކުރާނީ އެމެރިކާއާއެވެ. އެމެރިޚާވަނީ ގަތަރާއި ބައްދަލުކުރި ފުރަތަމަ ސެމީފައިނަލް މެޗް އެއްލަނޑު ސުންލަނޑުން ކާމިޔާބުކޮށްފައެވެ.