ފުލުހުންނާއި ކަސްޓަމްސްގެ ބެލުމުގެ ދަށުގައި ހުރި ގިނަ އަދަދެއްގެ މަސްތުވާތަކެއްޗާއި ބިޔަރު ދަޅާއި ފުޅިތަކެއް ނައްތާލައިފިއެވެ. ފުލުހުން ވިދާޅުވީ އެ އިދާރާއިން ނައްތާލި މަސްތުވާތަކެއްޗަކީ އެކި މައްސަލަތަކާއި ގުޅިގެން ފުލުހުންގެ ބެލުމުގެ ދަށަށް ގެނެސްފައިވާ ތަކެތިކަމަށެވެ.
ފުލުހުންވަނީ އެ އިދާރާގެ ބެލުމުގެ ދަށުގައި ހުރި 176 ކިލޯއަށްވުރެ ގިނަ މަސްތުވާތަކެތި ނައްތާލާފައެވެ. އޭގެތެރޭގައި ހިމެނެނީ 2006 ވަނަ އަހަރު ފުލުހުންގެ ބެލުމުގެ ދަށަށް ގެނެސްފައިވާ 1000 ގްރާމް ކެނަބިސްއާއި، 2016 ވަނަ އަހަރު ފުލުހުންގެ ބެލުމުގެ ދަށަށް ގެނެސްފައިވާ 2925.952 ގްރާމް ކޮކޭންގެ އިތުރުން 2020 ވަނަ އަހަރުގެ ޖުލައި މަހުން ފެށިގެން ޑިސެމްބަރ މަހުގެ ނިޔަލަށް ފުލުހުންގެ ބެލުމުގެ ދަށަށް ގެނެސްފައިވާ މަސްތުވާތަކެތީގެ ތެރެއިން ނައްތާނުލެވިހުރި ތަކެތިކަމަށެވެ.
މީގެއިތުރުން މި އަހަރު ފުލުހުންގެ ބެލުމުގެ ދަށަށް ގެނެސްފައިވާ 71874.1000 ގްރާމް ހެރޮއިންވެސް ނައްތާލާފައިވާކަަށް އެ އިދާރާއިން ބުނެއެވެ. އޭގެތެރޭގައި 5418 ރަބަރު ޕެކެޓާއި، 3312 ސެލޯފިންކޮޅާއި، ފިލްމު ހުސްކުރި 351 ދަޅާއި، 193 ބުލެޓާއި، 15 ބިޑިއާއި، 1460 ބޭސް ގުޅަ އަދި އެހެނިހެން ތަކެތީގެ ތެރޭގައި ހިމެނޭ 3746 އައިޓަމެކެވެ. އެހެނިހެން އައިޓަމްގެ ތެރޭގައި މަސްތުވާތަކެތި ބޭނުންކުރުމަށްޓަކައި ގެންގުޅޭ އާލާތްތައް ހިމެނެއެވެ.
ކަސްޓަމްސުންވެސް ވަނީ އެ އިދާރާގެ ބެލުމުގެ ދަށުގައި ހުރި ބިޔަރު ދަޅާއި ފުޅީގެ އިތުރުން ގިނަ އަދަދެއްގެ އޫރުމަސް ނައްތާލާފައެވެ. މިގޮތުން 300 ކޭސް ބިޔަރާއި 10860 ދަޅު ބިޔަރާއި 458 ކޭސް އޫރު މަސް ނައްތާލާފައިވާކަމަށް ކަސްޓަމްސުން ވިދާޅުވެއެވެ. އެ އިދާރާއިން ވިދާޅުވީ މި ތަކެއްޗަކީ އެތަނުގެ ބޮންޑެޑްވެއަރގައި ނުގެންގޮސް ހުރި ތަކެއްޗާއި އެކިއެކި މައްސަލަތަކާއި ގުޅިގެން ހިފަހައްޓާފައިވާ ތަކެތިކަމަށެވެ.
ތަފާތު މައްސަލަތަކުގައި ހޯދާ މަސްތުވާތަކެތިގެ ތެރެއިން ތަހުޤީގުގެ ބޭނުމަށް ބަހައްޓަންޖެހޭ 8 ގްރާމްގެ ބެހެއްޓުމަށްފަހު ބާކީ ހުންނަތަކެތި އެއް މަސްދުވަހުގެ ތެރޭ ނައްތާލުމަކީ ފުލުހުންގެ އަމާޒެއްކެވެ. މި ސަރުކާރުން މަސްތުވާތަކެއްޗާއި ދެކޮޅަށް ކުރަމުން އަންނަ މަސައްކަތުގެ ތެރެއިން 2019 ވަނަ އަހަރުގެ ތެރޭގައިވަނީ 414 މިލިޔަން ރުފިޔާގެ މަސްތުވާތަކެތި ނައްތާލާފައެވެ. އެއީ ރާއްޖޭގެ ތާރީހުގައިވެސް އެހާ ގިނަ އަދަދެއްގެ މަސްތުވާތަކެތި އެއްފަހަރާ ނައްތާލި ފުރަތަމަ ފަހަރެވެ. އެފަހަރު މަސްތުވާތަކެި ނައްތާލާފައިވަނީ ގިނަ އަދަދެއްގެ އާއްމުންގެވެސް ހާޒިރުގައެވެ.
ކަސްޓަމްސުންވެސް ވަނީ އެ އިދާރާގެ ބެލުމުގެ ދަށުގައި ހުރި ބިޔަރު ދަޅާއި ފުޅީގެ އިތުރުން ގިނަ އަދަދެއްގެ އޫރުމަސް ނައްތާލާފައެވެ. މިގޮތުން 300 ކޭސް ބިޔަރާއި 10860 ދަޅު ބިޔަރާއި 458 ކޭސް އޫރު މަސް ނައްތާލާފައިވާކަމަށް ކަސްޓަމްސުން ވިދާޅުވެއެވެ. އެ އިދާރާއިން ވިދާޅުވީ މި ތަކެއްޗަކީ އެތަނުގެ ބޮންޑެޑްވެއަރގައި ނުގެންގޮސް ހުރި ތަކެއްޗާއި އެކިއެކި މައްސަލަތަކާއި ގުޅިގެން ހިފަހައްޓާފައިވާ ތަކެތިކަމަށެވެ.
ތަފާތު މައްސަލަތަކުގައި ހޯދާ މަސްތުވާތަކެތިގެ ތެރެއިން ތަހުޤީގުގެ ބޭނުމަށް ބަހައްޓަންޖެހޭ 8 ގްރާމްގެ ބެހެއްޓުމަށްފަހު ބާކީ ހުންނަތަކެތި އެއް މަސްދުވަހުގެ ތެރޭ ނައްތާލުމަކީ ފުލުހުންގެ އަމާޒެއްކެވެ. މި ސަރުކާރުން މަސްތުވާތަކެއްޗާއި ދެކޮޅަށް ކުރަމުން އަންނަ މަސައްކަތުގެ ތެރެއިން 2019 ވަނަ އަހަރުގެ ތެރޭގައިވަނީ 414 މިލިޔަން ރުފިޔާގެ މަސްތުވާތަކެތި ނައްތާލާފައެވެ. އެއީ ރާއްޖޭގެ ތާރީހުގައިވެސް އެހާ ގިނަ އަދަދެއްގެ މަސްތުވާތަކެތި އެއްފަހަރާ ނައްތާލި ފުރަތަމަ ފަހަރެވެ. އެފަހަރު މަސްތުވާތަކެި ނައްތާލާފައިވަނީ ގިނަ އަދަދެއްގެ އާއްމުންގެވެސް ހާޒިރުގައެވެ.