ރައީސުލްޖުމްހޫރިއްޔާ ޢަބްދުﷲ ޔާމީން ޢަބްދުލްޤައްޔޫމް، ޓެކްސް އެޕީލް ޓްރައިބިއުނަލަށް މިއަދު މެންބަރުން ޢައްޔަން ކުރައްވައިފިއެވެ.ޓެކްސް އެޕީލް ޓްރައިބިއުނަލަށް، ރައީސުލްޖުމްހޫރިއްޔާ ޢައްޔަން ކުރެއްވި މެންބަރުންނަކީ، ގަލޮޅު މާވާރުލު އަލްފާޟިލް ޙަސަން ޒުހައިރު މުޙައްމަދާއި، ހައްދުންމަތި މާވަށް ނަލަމަލަ އަލްފާޟިލް ނަޞްރުﷲ ޖަމީލާއި، ގަލޮޅު ގޮފި އަލްއުސްތާޛާ ފާޠިމަތު މިންޙަތު ޢިއްޒަތާއި، ހުވަދުއަތޮޅު ދެކުނުބުރި ހޯނޑެއްދޫ ވައިލެޓްފެހި އަލްފާޟިލާ އާމިނަތު ފަރީޝާއާއި، މައްޗަންގޮޅި ޕެންޒީވިލާ އަލްއުސްތާޛާ ޢާއިޝަތު ޢަޒުފާ ޢަބްދުލްޣަފޫރެވެ.ޓެކްސް އެޕީލް ޓްރައިބިއުނަލްގެ މެންބަރު ކަމަށް ޢައްޔަން ކުރެއްވި ކަމުގެ ލިޔުން، މި ބޭފުޅުންނާ ރައީސުލްޖުމްހޫރިއްޔާ ޙަވާލުކުރެއްވީ، މިކަމަށްޓަކައި ރައީސުލްޖުމްހޫރިއްޔާގެ އޮފީހުގައި މިއަދު ހެނދުނު ބޭއްވެވި ރަސްމިއްޔާތެއްގައެވެ.