ރައްޔިތުންގެ މަޖިލީހުގެ ރައީސް، ރައީސް މުޙައްމަދު ނަޝީދު އަވަހާރަކޮށްލަން ދިން ޙަމަލާގެ ތަޙުޤީޤު ކުރިޔަށްދާ ގޮތް ބެއްލެވުމަށް ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް ކަނޑައެޅުއްވި ޚާއްޞަ މަންދޫބު އައްބާސް ފާއިޒް، ޑިފެންސް މިނިސްޓަރ މާރިޔާ އަޙްމަދު ދީދީ ބައްދަލުކުރައްވައިފިއެވެ.
މޭމަހުގެ 6 ބަނަދުވަހުގެރޭ ރައީސް މުހައްމަދު ނަޝީދަށް ދިން ހަމަލާގެ ތަޙުޤީޤު ކުރިޔަށްދާ ގޮތް ބެއްލެވުމަށް އައްބާސް ފާއިޒް ރާއްޖެ ވަޑައިގަތީ މިމަހުގެ 2 ވަނަދުވަހުއެވެ.
ޑިފެންސް މިނިސްޓްރީން ވިދާޅުވީ ރައީސްގެ ޚާއްޞަ މަންދޫބާއި މާރިޔާ ބައްދަލުކުރެއްވީ އިއްޔެގެ ވަގުތެއްގައެވެ. އެހެންނަމަވެސް މި ބައްދަލވުމުގެ ތަފްސީލެއް އެ މިނިސްޓްރީއަކުން ހާމައެއް ނުކުރައްވައެވެ.
Special Envoy to the Government of Maldives to monitor the investigation, prosecution & trial of the terrorist attack against Speaker of Parliament & former President Mohamed Nasheed, Abbas Faiz @Tweetafaiz met Hon. Minister @MariyaDidi. pic.twitter.com/CjhTQQBTxy
— Ministry of Defence (@MoDmv) July 10, 2021
އައްބާސް ފާއިޒްވަނީ ރައީސް ނަޝީދަށް ދިން ނުރައްކާތެރި ހަމަލާއާއި ގުޅިގެން މަޖިލިސް އިންކުއަރީ ކުރިޔަށް ގެންދިޔަ ރައްޔިތުން މަޖިލީހުގެ 241 ކޮމެޓީއާއިވެސް ބައްދަލުކުރައްވާފައެވެ. އަދި ރައްޔިތުންގެ މަޖިލީހުގެ ނާއިބު ރައީސް އީވާ ޢަބްދުﷲއާ ވެސް މިމަހުގެ 4 ވަނަދުވަހު ވަނީ ބައްދަލުކުރައްވާފައެވެ.
ރައީސުލްޖުމްހޫރިއްޔާގެ ޚާއްޞަ މަންދޫބުގެ ހައިސިއްޔަތުން މޭ 6 ގެ ޙަމަލާޔާގުޅޭ އެންމެހައި ތަޙުޤީޤެއްގައި ޕްރޮސެކިއުޓަރ ޖެނެރަލް ކަނޑައަޅުއްވާ ޙުދޫދުގެ ތެރެއިން އައްބާސް ފާއިޒް ބައިވެރިވެވަޑައިގަންނަވާނެއެވެ. އަދި، އިންސާފު ޤާއިމުކުރެވެންދެން ބޭނުންވާ ޙާލަތްތަކުގައި ކަމާގުޅޭ ލަފަޔާއި އިރުޝާދު ދެއްވައި، ތައްޔާރުކުރައްވަން ޖެހިވަޑައިގަންނަވާ އެންމެހާ ރިޕޯޓެއްވެސް އައްބާސް ތައްޔާރުކުރައްވާނެކަމަށް ރައީސް އޮފީހުން ވަނީ ވިދާޅުވެފައެވެ.
ރައީސް ނަޝީދަށް ދިން ހަމަލާއާއި ގުޅިގެން އެމަނިކުފާނަށް ދެމުން އައި ސެކިއުރިޓީ ބްރީޗްވި ގޮތް ބެލުމަށްފަހު މަޖިލީހުގެ 241 ކޮމެޓިން އެކުލަވާލި އިންކުއަރީ ރިޕޯޓް މިދިޔަ ބުރާސްފަތި ދުވަހު ވަނީ އާއްމުކޮށްފައެވެ. މި ރިޕޯޓްގައި ރައީސް ނަޝީދަށް ހަމަލާދިން ވަގުތު ކަން ހިނގާފައިވާ ގޮތާއި، އެމަނިކުފާނަށް ލިބިވަޑައިގެންނެވި ޒަޚަމްތަކާއި، ޑޮކްޓަރުންގެ ޓީމުގެ މަސައްކަތާއި، ރައީސް ނަޝީދަށް ހަމަލާދިން ދުވަހު ކަން ހިނގާފައިވާ ގޮތާއި، ހަމަލާދިނުމަށްފަހު ކަން ހިނގާފައިވާ ގޮތާއި، އޭޑީކޭ ހޮސްޕިޓަލުގެ ފާޚާނާއެއްގެ ތެރެއިން ފެނުނު ފިސްތޯލައާއި ގުޅޭ 4 ކަމަކާއި، އިންޓެލިޖެންސް މައުލޫމާތު އެއްކުރުމާއި، އެމައުލޫމާތު ޙިއްސާކޮށްފައިވާ ކަންކަން މި ރިޕޯޓުގައި ވަނީ ހިމަނާފައެވެ.
މި ރިޕޯޓުން އެގޭގޮތުގައި ނިމިދިޔަ ކައުސިލް އިންތިޚާބުގެ ދުވަސްވަރުން ފެށިގެން ބަޔަކު ދިޔައީ ރައީސް ނަޝީދަށް ފާރަލަމުންނެވެ. އަދި ގޮއްވާލި ސައިކަލްގައި ނުގޮވާ އޮތް އައިޑީއެއް އިންކަންވެސް ވަނީ ފާހަގަކޮށްފައެވެ. އަދި ސަލާމަތީ ބާރުތަކުގެ އިންޓެލިޖެންސްގައި ހުރި ބައެއް މައްސަލަތައް ފާހަގަކޮށް އެކަކްނަ އިސްލާހުކުރުމަށް ކަމާއި ބެހޭ ފަރާތްތަކަށް މި ރިޕޯޓްގައިވަނީ ގޮވާލާފައެވެ.
Majlis ge 241 Committee ge Inquiry Report akee mi fahun Majlis in ekulavaalamun gendhaa report thakuge theyreinves furihama report eh. Committee ge muqarir aai menbarun adhi staffunnah varah bodah marhaba. Majlis 19 thafaathuvaanehttps://t.co/veLj8FpsI7
— Mohamed Nasheed (@MohamedNasheed) July 9, 2021
މަޖިލީހުން ކުރިއަށްގެންދިޔަ ޕާލިމަންޓްރީ އިންކުއަރީ ނިންމާ އާއްމުކޮށްފައިވާ ރިޕޯޓަކީ ވަރަށް ފުރިހަމަ ރިޕޯޓެއް ކަމަށް ރައީސް ނަޝީދު ވަނީ ވިދާޅުވެފައެވެ.
ރައީސް އޮފީހުން ވިދާޅުވީ މި ރިޕޯޓް ރަސްމީކޮށް އެ އޮފީހަށް އަލި ލިބިވަޑައިގެންފައި ނުވިނަމަވެސް ރިޕޯޓް ދިރާސާކުރުމުގެ މަސައްކަތް ފަށާފައިވާކަމަށެވެ.