ހިޔާ މަޝްރުޢޫގެ ފްލެޓް ދޫކޮށްލާ ފަންނީ މުވައްޒަފުންނަށް ސަރުކާރުގެ ބޯހިޔާވަހިކަމުގެ މަޝްރޫޢު "ވިނަރެސް"އަށް ކުރިމަތިލުމަށް ހުޅުވާލި ފުރުސަތު އިތުރުކޮށްފިއެވެ. ޕްލޭނިން މިނިސްޓްރީން ވިދާޅުވީ ހިޔާ މަޝްރޫޢުގެ ދާއިމީ ލިސްޓްގައި ހިމެނޭ ފްލެޓް ލިބޭ ފަރާތްތަކުން "ވިނަރެސް" މަޝްރޫޢުއަށް ކުރިމަތިލާން އެދޭނަމަ އެފުރުސަތު މިމަހުގެ ނިޔަލަށް އެބައޮތްކަމަށެވެ.
ހިޔާ މަޝްރޫޢުގެ ކެޓަގަރީތަކުގެ ތެރެއިން ފްލެޓް ދޫކޮށްލުމުގެ ފުރުސަތު ހުޅުވާލާފައިވަނީ އެ މަޝްރޫޢުގެ ފަންނީ ކެޓަގަރީގައި ހިމެނޭ H4 ޑޮކްޓަރުންނާއި ނަރުހުން، H5 ޓީޗަރުންގެ އިތުރުން ސިވިލް ސަރވިސް ފަންނީ ކެޓަގަރީންނެވެ. މި ފަރާތަކަށް ކުރިމަތިލުމަށް ހުޅުވާލާފައިވަނީ ހުޅުމާލޭގައި އެޗްދީސީން ކުރިޔަށް ގެންދާ "ވިނަރެސް" ފްލެޓްތަކަށެވެ.
"ވިނަރެސް" މަޝްރޫޢުގައި ހިމެނެނީ 1344 ހައުސިންގ ޔުނިޓެވެ. އެއީ މުޅިންވެސް 3 ކޮޓަރީގެ އެޕާޓްމަންޓްތަކެވެ. މި މަޝްރޫޢުގައި 4 ބާވަތެއްގެ ޔުނިޓްތައް ހިމެނެއެވެ. އެއީ މެރީނާ ވިއު، އައުޓަރ ވިއު، އިނަރ ވިއު އަދި ސްޓޭންޑަރޑް ވިއު ފްލެޓްތަކެވެ.
ޕްލޭނިން މިނިސްޓްރީން ވިދާޅުވީ "ވިނަރެސް" މަޝްރޫޢަށް ކުރިމަތިލުމަށް ހުޅުވާލާފައިވާ ފުރުސަތުގައި އިތުރު މައުލޫމާތު ހޯދުމަށާއި މުއްދަތު އިތުރުކޮށްދިނުމަށް ގިނަ ބަޔަކު އެދިފައިވާކަމަށެވެ. އެހެންކަމުން މި މުއްދަތު މިމަހުގެ 31 ވަނަދުވަހުގެ ނިޔަލަށް އިތުރުކޮށްފައިވާކަމަށް ޕްލޭނިން މިނިސްޓްރީން ވިދާޅުވެއެވެ.
ހިޔާ މަޝްރޫޢުގެ ފްލެޓް ލިބޭ ފަރާތްތަކުގެ އެއްބަސްވުމުގައި ސޮއި ކުރުމުގެ މަސައްކަތް ފެށުމަށް ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީން) އަންނަނީ ތައްޔާރުވަމުންނެވެ. މި މަހުގެ 14 ވަނަދުވަހު އެއްބަސްވުންތަކުގައި ސޮއިކުރަން ފަށާނެކަމަށް އެޗްޑީސީން ވަނީ ބުނެފައެވެ.
ޕްލޭނިން މިނިސްޓްރީން ވިދާޅުވީ ހިޔާގެ އެއްބަސްވުމުގައި ސޮއިކުރުމަށްފަހުވެސް ފްލެޓް ބަދަލުކުރަން ބޭނުންވާ ފަންނީ މުވައްޒަފުންނަށް 3 މަސް ދުވަހުގެ މުއްދަތެއް ލިބޭނެކަމަށެވެ. އެހެންނަމަވެސް މި ފުރުސަތު އޮންނާނީ ހުޅުވާލެވޭ ހައުސިން ޔުނިޓްތަކުގެ އަދަދު ހަމަވަދެންކަމަށްވެސް އެމިނިސްޓްރީން ވިދާޅުވެއެވެ.
ހިޔާ ފްލެޓްތައް ލިބުނު ފަރާތްތަކަށް އެތަން ބަލާލުމުގެ ފުރުސަތު މިހާރު ވަނީ ހުޅުވާލާފައެވެ. ތަން ބަލާން ދިޔަށް ގިނަ ބަޔެއްގެ ޝަކުވާއަކަށްވީ ތަން ކުޑަވުމާއި ކުލި ބޮޑުވުމެވެ. އަދި ތަން ނިންމަން ދިން 3 މަސްދުވަހުގެ މުއްދަތުގައި އެކަން ނުވެދާނެތީ މުއްދަތު އިތުރުކުރުމަށްވެސް ބައެއް ފަރާތްތަކުން ވަނީ އެދިފައެވެ.
ހިޔާ މަޝްރުޢާއި ގުޅޭގޮތުން ވާހަކަފުޅު ދައްކަވަމުން ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙު ވިދާޅުވީ، މިހާރު ކަނޑައަޅާފައިވާ އަގަށްވުރެ ކުޑަކުރަންވެއްޖެނަމަ، ވަރަށް ބޮޑު ތަކުލީފެއް ސަރުކާރުން އިތުރަށް އުފުލަންޖެހޭނެކަމަށެވެ. ހިޔާ މަޝްރޫޢު ކުރިއަށްގެންދިއުމަށް ކުރީގެ ސަރުކާރުން ނަގާފައިވާ ލޯނު އަނބުރާ ދެއްކުމަށް، ދަޢުލަތުގެ ބަޖެޓުންވެސް ވަރަށް ބޮޑު ޢަދަދެއް ހޭދަކުރަންޖެހޭކަން ފާހަގަކުރައްވާ، މިހާރުގެ އަގަށް ބޮޑު ބަދަލެއް ގެނެވިދާނެކަމަށް ޤަބޫލުފުޅުނުކުރައްވާ ކަމަށް އެމަނިކުފާނު ވަނީ ވިދާޅުވެފައެވެ. އެހެންނަމަވެސް މިއީ ވަރަށް ގިނަ ބައެއްގެ މަސްލަޙަތާއި ގުޅިފައިވާ ކަމެއްކަމުން، އަދިވެސް އިތުރަށް ސަރުކާރުން މިކަން ބައްލަވާނެ ކަމަށް ރައީސް ވަނީ ވިދާޅުވެފައެވެ.
ވާވާ
މުސާރައިިން ވަކިވަރެއްް ލިބޭ ހުރިހާ މީހުންނަށް ހުޅުވާލަން ފެނޭ ، އެހެެެން ކެެެޓަގަރިތަކަަށް
ޙަބީބު.
ފަންނީ މުވައްޒަފުންގެ ތެރެއިން ގިނަބަޔަކީ ރައްފުށު މީހުން މައިންބަފައިންގެ ގޯތި އެއްކޮއްލިބޭ މީހުންވެސް އެބަތިބި އޭގެތެރޭގަ އަދި ހުޅުމާލެއިން ތިންކޮޓަރި ހަމައެމީހުނައް ކޮބައި މާލޭގެ ރައްޔިތުންގެ ފުރުސަތު ތީވަރައް ބޭއިންސާފު ގޮތެއް