އެކްސްޕޯ މޯލްޑިވްސް 2015 ގައި ކަނޑުދަތުރު ކުރާ
އުޅަނދުތައްވެސް ބައިވެރިކުރަން އެދޭކަމަށް މައުރަޒު އޮފީހުން ބުނެފިއެވެ.
މައުރަޒު އޮފީހުން ވިދާޅުވީ ކަނޑުދަތުރުކުރާ އުޅަނދުފަހަރުގެ
ބައިން އަދި ތަރުހީބު ލިބެނީ ވަރަށް ކުޑަކޮށްކަމަށެވެ. އެކްސްޕޯ މޯލްޑިވްސް ދެހާސް
ފަނަރައިގެ ޗެއާމަން އަދި އިކޮނޮމިކް މިނިސްޓްރީގެ ޑެޕިއުޓީ މިނިސްޓަރ އަބުދުﷲ
މުހައްމަދު ވިދާޅުވީ ދެހާސް އަށެއްގެ ފަހުން ރާއްޖޭގައި ބަނދެފައިވާ ކޮންމެ
ވައްތަރެއްގެ އުޅަނދެއްވެސް އެކްސްޕޯގައި ބައިވެރިކުރެވިދާނެކަމަށެވެ. ކަނޑުދަތުރުކުރާ
އުޅަނދުފަހަރު މިމައުރަޒުގައި ބައިވެރިކުރުމުން އުޅަނދެއްގެ ވެރިފަރާތުގެ އިތުރުން
އުޅަނދެއް އުފެއްދި ފަރާތައްވެސް އޭގެ ފައިދާކުރާނެކަމަށް އަބުދުﷲ މުހައްމަދު
ވިދާޅުވިއެވެ.
ދިވެހިން އުފައްދާ އުޅަނދުފަހަރަކީ ދުނިޔޭގެ
އެހެންޤައުމުތަކުގައި އުފައްދާ އުޅަނދުފަހަރާ ތަފާތު ޑިޒައިނަކަށް ދިވެހިވަންތަ ގޮތްތަކެއް
އެކުލެވޭ އުޅަނދުތަކެއްކަމަށްވާއިރު މިފަހަރުގެ އެކްސްޕޯގެ ތެރޭން މިފަދަ
އުފެއްދުންތައް ދުނިޔޭގެ ބާޒާރަށް ތައާރަފްކުރުމުގެ ފުރުޞަތުތައްވެސް
ހުޅުވިފައިވާތީ މިއީ މި އުފެއްދުންތައް ދުނިޔޭގެ އެހެންޤައުމުތަކަށް
ތަޢާރަފްކުރުމަށް ހުޅުވިގެންދާ ދޮރެއްވެސްމެއެވެ.
އެކްސްޕޯ މޯލްޑިވްސް 2015 ބޭއްވުމަށް ހަމަޖެހިފައިވަނީ 22 ޑިސެންބަރުން 28 ޑިސެމްބަރަށް ދަރުބާރުގޭގައެވެ.