ޑްރަގް ކޯޓުގެ ޤާޟީ އާދަމް ޢާރިފާއެކު ޖުމުލަ 9 ބޭފުޅަކު ކްރިމިނަލް ކޯޓުގެ ޤާޟީކަމަށް ކުރިމަތިލައްވައިފިއެވެ.
ޖުޑީޝަލް ސާވިސް ކޮމިޝަން (ޖޭއެސްސީ)އިން ކްރިމިނަލް ކޯޓަށް ޤާޟީއަކު ހޯދަން އިޢުލާނުކުރީ 07 ޖޫން 2021ގައެވެ. އެކޮމިޝަނުން ކްރިމިނަލް ކޯޓަށް ޖުމްލަ 2 ޤާޟީއަކު ބޭނުންވާކަމަށް އިޢުލާނުގައިވެއެވެ. އެގޮތުން އެއިޢުލާނުގެ މުއްދަތު މިއަދު ހަމަވެފައިވާއިރު އިޢުލާނާ އެއްގޮތަށް 9 ފަރާތަކުން އެ މަޤާމަށް ކުރިމަތިލާފައިވާކަމަށް އެ ކޮމިޝަނުން ވިދާޅުވެއެވެ.
ޤާޟީކަަމަށް ކުރިމަތިލެއްވި ބޭފުޅުން
- 1. އާދަމް އާރިފް - ދެރަހަ/ހއ. ކެލާ
- 2. ރަފީއުއްދީން އަހުމަދު - ސްނޯޑައުން/ސ. ހިތަދޫ
- 3. އަލީ ނަދީމް - ފްރީޕާކް/އދ. މާމިގިލި
- 4. އިބްރާހިމް އިހްސާން - އެށެވެލި/ސ. މަރަދޫ
- 5. އަހުމަދު ތައުފީގު - ޑޭޒީމާގެ/ ހއ. ދިއްދޫ
- 6. އާއިމިނަތު އަޒްލިފާ - ގުލާބީގެ/ރ. ރަސްގެތީމު
- 7. އިސްމާއީލް ޝަފީއު - މ. ތްރީސިސްޓާސް/ކ. މާލެ
- 8. ސުލައިމާން މުހައްމަދު - ނޫރާނީގެ/ޅ. ކުރެންދޫ
- 9. މުހައްމަދު ސަމީރު - ހިތްވަރު/ރ. އިނގުރައިދޫ
ޖޭއެސްސީން މީގެކުރިންވަނީ ކްރިމިނަލް ކޯޓުގެ ޤާޟީ އަލްއުސްތާޛު މުޙައްމަދު ސަމީރުގެ އެދިވަޑައިގަތުމުގެ މަތިން އޭނާ ޑްރަގް ކޯޓަށް ބަދަލުކުރުމަށް ނިންމަވާފައެވެ. އަދި ހަމައެއާއިއެކު ކުރީގެ ނައިބު ރައީސް އަޙްމަދު އަދީބުގެ މައްޗަށް އުފުލި 7 ދަޢުވާއެއް ބާތިލް ކުރަން ނިންމެވި ކްރިމިނަލް ކޯޓުގެ ޤާޟީ އަލްއުސްތާޛް އިސްމާޢީލް ރަޝީދު ފަނޑިޔާރުކަމުން ވަކިކުރުމަށް ރައްޔިތުންގެ މަޖިލީހަށް ފޮނުވުމަށް ޖުޑީޝަލް ސަރވިސް ކޮމިޝަނުންވަނީ ނިންމާފައެވެ.