މަޖީލިހުގެ ޖަލްސާތަކަށް ސަލާމް ވިދާޅުވަމުން ގެންދަވާ މީދޫ ދާއިރާ އަޙްމަދު ސިޔާމް މުޙައްމަދު، ރައީސް ނަޝީދަށް ދިން ހަމަލާގެ އިންކުއައަރީ ގެންދާ ކޮމެޓީގެ ބައްދަލުވުމަށް މިއަދު ހާޒިރުވެޑައިގެންފިއެވެ.
ރައްޔިތުން މަޖލީހުގެ 241 ކޮމެޓީން އަންނަނީ ރައްޔިތުންގެ މަޖިލީހުގެ ރައީސަށް ދެމުން ގެންދާ ސަލާމަތާއި ރައްކާތެރިކަން ބްރީޗްވި ގޮތް ހޯދުމަށް ޕާލަމެންޓަރީ އިންކުއަައިރީއެއް ކުރިޔަށް ގެންދަމުންނެވެ. މި ކޮމެޓީއަށް ކަމާއި ގުޅުން ހުރި ދާއިރާތަކުގެ އިސްވެރިން އަންނަނީ ހާޒިރުކުރަމުންނެވެ.
މަޖިލީހުން ނުފެންނަތާ ގިނަ ދުވަސްތަކެއް ވެފައިވާ މީދޫ ދާއިރާ އަޙްމަދު ސިޔާމް މުޙައްމަދު ވަނީ މިއަދު ކޮމެޓީގެ ޖަލްސާގައި ބައިވެރިވެޑައިގެންފައެވެ. 241 ކޮމެޓީގައިވެސް ހިމެނި ވަޑައިގަންނަވާ ސިޔާމް ކޮމެޓީގެ އެއްވެސް ޖަލްސާއަކަށްވެސް ހާޒިރުވެޑައި ނުގަންނަވާތާ އަހަރަކަށްވުރެ ގިނަ ދުވަސްވަނީ ވެފައެވެ. ރައްޔިތުންގެ މަޖިލީހުގެ ޖަލްސާއަކުންވެސް އެންމެފަހުން ސިޔާމް ފެނިފައިވަނީ މިއަހަރަށް ބަޖެޓް ހުށައެޅުމަށް ބޭއްވި ބަހުސް މަރުހަލާގެ ތެރެއިންނެވެ. އެއީ މިދިޔަ އަހަރުގެ ނޮވްމެބަރުމަހުގެ 30 ވަނަދުވަހުއެވެ.
މަޖިލީހަށް އެއްގޮތަކަށް ވަޑައިނުގަންނަވައި 2 އަހަރެއްހާ ދުވަސް ކުރައްވާފައި، ކުއްލިއަކަށް މިއަދު ކޮމިޓީއަށް ސަން ސިޔާމް ވަޑައިން މިއިންނެވީ ކާކު އަންގައިގެން ކޮންފަދަ ބޭނުމަކު ބާވައޭ ހިތަށް އަރާ! #JusticeForPresidentNasheed pic.twitter.com/IvAmqpKRM9
— Waddey (@waddey_) June 6, 2021
Kameh viya nudheyn gadubadukohlanvejjeyaa meena dhakaalaanee. Kulliakah miadhu enquiry ah haaziruvee 2019 in feshigen 241 committee ge emme jalsaa akah. pic.twitter.com/UqvRtmRrgA
— Hassantay (@HassantayMDP) June 6, 2021
މި އަހަރަށް މަޖިލިސް ހުޅުވުމަށްފަހު ފެބްރުއަރީ މަހުގެ 21 ވަނަދުވަހު ބޭއްވި ޖަލްސާގައި މަޖިލިސްގެ ރައީސް މުހައްމަދު ނަޝީދުވެސް ވަނީ މީދޫ ދާއިރާގެ މެމްބަރު އަދި އެމްޑީއޭގެ ލީޑަރ އަހްމަދު ސިޔާމް މުހައްމަދު މަޖިލީހަށް ސަލާމް ވިދާޅުވަމުން ގެންދަވާކަން ފާހަގަކުރައްވާފައެވެ. އަދި ރައްޔިތުން މަޖިލީހުގެ މާމިގިލީ ދައިރާގެ މެމްބަރު ގާސިމް އިބްރާހިމްވެސް މިދިޔަ އަހަރު އެއްކޮށް ހުންނެވީ ސަލާމުގައިކަންވެސް އެދުވަހު މަޖިލީހުގެ ރައީސް ފާހަގަކުރެެއްވިއެވެ.
ކޮމެޓީގެ ބައްދަލުވުމުން ސިޔާމް ފެނިވަޑައިގަތުމުން ބައެއް މެމްބަރުންގެ ފާޑުކިޔުންތައް ވަނީ އަމާޒުވެފައެވެ.