ޤައުމީ ވޮލީބޯޅަ ލީގުގެ ފުރަތަމަ ދެ މެޗު މޯލްޑިވިއަން ރެކްރިއޭޝަން ކްލަބާއި، ދިވެހި ސިފައިންގެ ކްލަބް ކާމިޔާބުކޮށްފިއެވެ.އިއްޔެ ފެށި ލީގުގެ ފުރަތަމަ މެޗު މޯލްޑިވިއަން ރެކްރިއޭޝަން ކްލަބް ކާމިޔާބުކުރީ ސްޕޯރޓްސް ކްލަބް ސިޓީއާއި ވާދަކޮށް ސީދާ 3 ސެޓުންނެވެ. މެޗުގެ ސެޓްތައް މޯލްޑިވިއަން ގެންދިޔައީ 25-11، 25-23 އަދި 25-18 ނެވެ. މެޗުގެ މޮޅު ކުޅުންތެރިއަކީ މޯލްޑިވިނިއަން ރެކްރިއޭޝަން ކްލަބްގެ އޮމިދު ނާޒިމްއެވެ. ސިފައިންގެ ކްލަބް މެޗު ކާމިޔާބުކުރީ ގްޑީސް ސްޕޯރޓްސް ކްލަބާއި ވާދަކޮށް ސީދާ 3 ސެޓުންނެވެ. ދިވެހި ސިފައިންގެ ކްލަބް މެޗުގެ ސެޓްތައް ގެންދިޔައީ 25-21، 25-22 އަދި 25-20 ނެވެ. ރޭ ކުޅުނު މިމެޗުގެ މޮޅު ކުޅުންތެރިއަކީ ސިފައިންގެ ކްލަބްގެ އަހުމަދު އަބުދުލްކަރީމެވެ. ލީގުގައި މިއަދު ހަވީރު ވާދަކުރާނީ މޯލްޑިވިއަން ރެކްރިއޭޝަން ކްލަބާއި ޕޮލިސް ކްލަބެވެ. މިރޭ ކުޅޭ މެޗުގައި ވާދަކުރާނީ ސްޕޯރޓްސް ކްލަބް ސިޓީއާއި ދިވެހި ސިފައިންގެ ކްލަބެވެ.