ކަލާފާނު ސްކޫލުން މި އަހަރު ގްރޭޑް ދިހައެއް ނިންމި ދަރިވަރުންގެ ދަސްވެނިވުމުގެ ރަސްމިއްޔާތު ބާއްވައިފިއެވެ.ރޭ ކަލާފާނު ސްކޫލްގައި ބޭއްވި މި ރަސްމިޔާތުގައި، ގްރޭޑް ދިހައެއް ނިންމި ދަރިވަރުންނަށް ސެޓްފިކެޓް ދިނުމުގެ އިތުރުން އެ ސްކޫލުން މިއަހަރުގެ ގަދަ ދިހައެއްގައި ހިމެނުނު 19 ކުއްޖަކަށްވެސް ސެޓްފިކެޓް ދީފައިވެއެވެ.މި ރަސްމިޔާތު ޝަރަފްވެރިކޮށްދެއްވީ ވިލާކޮލެޖްގެ ޑިރެކްޓަރ އިންސްޓިޓިއުޓް ފޯ ރިސާރޗް އެންޑް އިނޮވޭޝަން ޑރ.ރަހުމާ އަބުދުލް ރަހީމްއެވެ.މިރަސްމިޔާތުގައި ވަހަކަފުޅު ދައްކަވަމުން ޑރ.ރަހުމާ ވިދާޅުވީ ރާއްޖޭގައި މިހާރު ކުރިޔަށް ދެވެން އޮތީ މަތީ ތައުލީމު ހާސިލް ކޮށްގެންކަމަށާއި އެހެން ކަމުން ކޮންމެ ކުއްޖަކުވެސް އެކުއްޖަކު ކުރިޔަށް ދާނެ ރޮގެއް މިހާރު ހިޔާރު ކުރަން ޖެހޭކަމަށެވެ.ކަލާފާނު ސްކޫލުން މިއަހަރު ޖުމުލަ 104 ކުދިން ދިހައެއް ނިންމާ ދަސްވެނިވިފައިވާއިރު އެސްކޫލުގެ 10 ދަރިވަރަކު މިދިޔަ އަހަރު އޯލެވެލް އިމްތިހާނުގެ ގަދަ ދިހައެއްގައި ހިމެނިފައިވެއެވެ.