ބިހުރޯޒް މިސްކިތް ބަލައި ފާސްކުރުމުގައި ނުރައްކާ ޒާތުގެ އެއްވެސް އެއްޗެއް ފެނިފައި ނުވޭ: އެމްއެންޑީއެފް
ބިހުރޯޒް މިސްކިތް ބަލައި ފާސްކުރުމުގައި ނުރައްކާ ޒާތުގެ އެއްވެސް އެއްޗެއް ފެނިފައި ނުވާ ކަމަށް އެމްއެންޑީއެފުން ވިދާޅުވެއްޖެއެވެ.
ބިހުރޯޒް މިސްކިތް ތެރޭގައި ގޮތްނޭނގޭ އެއްޗެއް އޮތްކަމުގެ ރިޕޯޓް ލިބިގެން، ދިވެހި ފުލުހުންގެ ޚިދުމަތާ ގުޅިގެން އެތަން އެމްއެންޑީއެފުން ބަލައި ފާސްކޮށް، ވަނީ ކްލިއަރކޮށްފައެވެ. އަދި މި ބަލައި ފާސްކުރުމުގައި އެތަނުން ނުރައްކާ ޒާތުގެ އެއްވެސް އެއްޗެއް ފެނިފައެއް ނުވެއެވެ.
— Maldives National Defence Force (@MNDF_Official) May 10, 2021
އެމްއެންޑީއެފްއިން ވިދާޅުވީ ބިހުރޯޒް މިސްކިތް ތެރޭގައި ގޮތްނޭނގޭ އެއްޗެއް އޮތްކަމުގެ ރިޕޯޓް ލިބުމާ ގުޅިގެން ދިވެހި ފުލުހުން ގުޅިގެން އެތަން އެމްއެންޑީއެފުން ބަލައި ފާސްކޮށް ކްލިއަރކޮށްފައިވާ ކަމަށެވެ. އަދި މި ބަލައި ފާސްކުރުމުގައި އެތަނުން ނުރައްކާ ޒާތުގެ އެއްވެސް އެއްޗެއް ފެނިފައި ނުވާކަމަށް އެމްއެންޑީއެފުން ވިދާޅުވެއެވެ.
ބިހުރޯޒް މިސްކިތް ތެރޭގައި ގޮތްނޭނގޭ އެއްޗެއް އޮތްކަމުގެ ރިޕޯޓް ލިބުމާ ގުޅިގެން ދިވެހި ފުލުހުންނާއި ގުޅިގެން އެތަން އެމްއެންޑީއެފުން ބަލައި ފާސްކޮށްފައިވާއިރު މިދިޔަ ބުރާސްފަތިދުވަހުގެ ރޭ ކުރީގެ ރައީސް އަދި ރައްޔިތުންގެ މަޖިލީހުގެ ރައީސް މުހައްމަދު ނަޝީދަށް އަމާޒުކޮށް ދިން ބޮމުގެ ޓެރަރިސްޓް ހަމަލާގައި ލިބުނު ޒަޚަމްތަކަށް އެމަނިކުފާނަށް އޭޑީކޭގައި އަންނަނީ ފަރުވާ ދެމުންނެވެ. އަދި މިހަމަލާގައި ބޮން ގޮއްވާލިކަމަށް ބެލެވޭ މީހާއާއި މިހަމަލާ ދިނުމުގައި ސީދާގޮތުން ބައިވެރިވިކަމަށް ބެލެވޭ އިތުރު 2މީހަކުވަނީ ހައްޔަރުކޮށްފައެވެ.