ދޮންދޫނި ލިޓްލް ލާރނާރސް ޕްރީސްކޫލުން "ދޮންދޫނި ލިޓްލް އެކްސްޕްލޯރަރސް" ގެ ނަމުގައި އެގްޒެބިޝަނެއް މިއަދު ބާއްވައިފިއެވެ.މި އެކްޒެބިޝަން ކުރިއަށް ދާނީ މިއަދު ހަވީރު ހަޔެއްޖެހުމާއި ހަމައަށް ދޮންދޫނި ލިޓްލް ލާރނާރސް ޕްރީސްކޫލުގައިކަމަށް އެ ސްކޫލުން މައުލޫމާތުދެއެވެ.ދޮންދޫނި ލިޓްލް ލާރނާރސް ޕްރީސްކޫލުގެ ޔޫކޭޖީ ދަރިވަރުންނަށް އަމާޒުކޮށްގެން ކުރިޔަށްގެންދާ މި އެކްޒެބިޝަން ގައި ތަފާތު 12 ދާއިރާއަކަށް އަމާޒުކޮށްގެން ޕްރޮޖެކްޓްތަކެއް ހުންނާނެކަމަށް އެ ޕްރީސްކޫލުން މައުލޫމާތުދެއެވެ.މި އެގްޒެބިޝަން އާއި ގުޅޭގޮތުން މައުލޫމާތު ދެއްވަމުން އެ ސްކޫލުގެ ސުޕަރވައިޒަރ އާމިނަތު މޫސާ ފިކުރީ ވިދާޅުވީ، މިފަދަ އެގްޒިބިޝަނެއް ބޭއްވުމުގެ ބޭނުމަކީ އެ ޕްރީސްކޫލުގައި ތައުލީމު ހާސިލްކުރާ ކުދިން މުޖުތަމައުގައި ހުންނަ ކަންތައްތަކަށް ލޯހުޅުވައިދުނުމާއި، އެކުދިންގެ ހުނަރުތައް ދައްކުވައިދިނުންކަމުގައެވެ. ދޮންދޫނި ލިޓްލް ލާރނާރސް ޕްރީސްކޫލުގެ ޔޫކޭޖީ ދަރިވަރުންގެ ހުށަހަޅައިދިނުމުގެ ފެންވަރު ދައްކުވައިދޭ މި އެކްޒެބިޝަންގައި މުޖުތަމައު ތެރޭ ހިނގާ އެކިކަހަލަ ކަންތައްތަކަށް އަމާޒުކޮށްގެން ޕްރޮޖެކްޓްތައް ހަދާފައިވެއެވެ.މީގެތެރޭގައި ރާއްޖޭގެ އަތޮޅުތަކާއި އަތޮޅުތަކުގެ ވެރިކަންކުރާ ރަށްތައް އެކުދިން ވަނީ ހުށަހަޅާދީފައެވެ.ރާއްޖޭގެ ފަރުތަކާއި ފަރުތައް ހަލާކުވުމުން ވާގޮތް އެކުދިންވަނީ ހުށަހަޅާދީފައެވެ. ޕީ.އެސް.އެމާއި ވާހަކަދެއްކި ބައެއް ކުދިން ވަނީ އެކުދިންނަށް މި އެގްޒިބިޝަން ތެރެއިން ދަސްވި ބައެއް ކަންތައްތައް ހިއްސާކޮށްފައިވެއެވެ.ދޮންދޫނި ލިޓްލް ލާރނާރސް ޕްރީސްކޫލުގެ މި އެގްޒެބިޝަން ބަލާލުމުގެ ފުރުސަތު ވަނީ ހުރިހާ ފަރާތްތަކަށް ހުޅުވާލާފައެވެ.މި އެގްޒބިޝަން ހުޅުއްވައިދެއްވީ ވިލާ ފައުންޑޭޝަންގެ އެގްޒެކެޓިވް ޑިރެކްޓަރ މުހައްމަދު ހަމީދުއެވެ.