އިނގިރޭސި ވިލާތުގައި ބޭއްވި އަސްކަރީ ތަމްރީނު ކޯހަކުން ދިވެހި ސިފައިންގެ އޮފިސަރަކު އެއްވަނަ ހޯދައިފިއެވެ.
އެއްވަނަ ހޯދާފައިވަނީ ގދ.ފަރެސްމާތޮޑާއަށް އުފަން ސަރޖަންޓް ފިރުޝާނާ ތައުފީގުއެވެ.
އެމްއެންޑީއެފުން ވިދާޅުވީ އިނގިރޭސިވިލާތުގެ ރޯޔަލް މިލިޓަރީ އެކަޑަމީ ސޭންޑްހާސްޓްގައި ކުރިއަށް ގެންދިޔަ އޮފިސަރ ކެޑޭޓް ކޯހުގައި ބައިވެރިވި ސަރޖަންޓް ފިރުޝާނާ ތައުފީގު، ބެސްޓް އިންޓަރނޭޝަނަލް ދަރިވަރުގެ މަޤާމު ހޯދާފައިވާ ކަމަށެވެ. މިއީ ރާއްޖޭގެ އަންހެން އޮފިސަރަކު އެ ކޯހުގައި ބައިވެރިވި ފުރަަތަމަ ފަހަރުއެވެ.
Woww! Marhaba! It’s a pity capable women @MNDF_Official under successive Governments have not been given the opportunities they so truly deserve. On behalf of HEP @ibusolih & all Maldivians I extend warm Congratulations to Officer Firushana Thoufeeg. So proud of you. ? https://t.co/vMqnKKqYtp
— Mariya Didi ? (@MariyaDidi) March 20, 2021
ސާޖަންޓް ފިރުޝާނާގެ ކާމިޔާބު ފާހަގަކުރައްވާ ޑިފެންސް މިނިސްޓަރު އަލްއުސްތާޛާ މާރިޔާ އަޙުމަދު ދީދީ ކުރެއްވި ޓްވީޓެއްގައި ވިދާޅުވީ އެކިއެކި ސަރުކާރު ތަކުގައި ރާއްޖޭގެ އަންހެން ސިފައިންނަށް އެ މީހުންނަށް ޙައްގުވާ ފުރުސަތު ނުލިބި އޮތް ކަމީ ހިތާމައެއްކަމަށެވެ. އަދި ފިރުޝާނާއާ މެދު ފަޚުރުވެރިވެވަޑައިގަންނަވާ ކަމަށްވެސް މިނިސްޓަރ ވިދާޅުވިއެވެ.
Congratulations to Officer Cadet Firshana Thaufeeq for winning the Best International Student Award at the prestigious @RMASandhurst The first female officer cadet from MNDF to attend this institution. An outstanding achievement and a proud moment for @MNDF_Official & Maldives! pic.twitter.com/HJtvycuTaq
— Maj. Gen. Abdulla Shamaal (@CDFofMNDF) March 20, 2021
ޗީފް އޮފް ޑިފެންސް ފޯސް މޭޖަރ ޖެނެރަލް އަބްދުﷲ ޝަމާލްވެސްވަނީ މިއީ އެމްއެންޑީއެފްއަށާއި ރާއްޖެއަށް ފަޚުރުވެރި ވަގުތުކޮޅެއްކަން ފާހަގަކުރައްވާފައެވެ. އަދި ފިރުޝާނާއަކީ ޝަރަފްވެރި ސޭންޑްހާސްޓްގައި ތަމްރީނުވުމުގެ ފުރުސަތު ލިބުނު ފުރަަތަމަ އަންހެން އޮފިސަރުކަންވެސް އޭނާ ފާހަގަކުރެއްވިއެވެ.