އެން.ބީ.އޭ. ބާސްކެޓްބޯޅަ މުބާރާތުގައި ފިލަޑެލްފިއާ ސެވަންޓީ ސިކްސަރސްގެ މައްޗަށް ޓޮރޮންޓޯ ރެޕްޓާސް ކާމިޔާބު ހޯދައިފިއެވެ. ރެޕްޓަރސް މެޗް ކާމިޔާބުކުރީ 110 ޕޮއިންޓް 103 ޕޮއިންޓުންނެވެ.
ވާދަވެރި ކުޅުމެއް ދެޓީމްގެ ފަރާތުން ފެނިގެންދިޔަ މިމެޗްގައި ރެޕްޓަރސްގެ ޕަސްކަލް ސިއަކާމްވަނީ އެޓީމަށް 23 ޕޮއިންޓް ހޯދައިދީ ހަތް ރީބައުންޑް ނަގާ އަށް އެސިސްޓް ކޮށްފައެވެ. މިމެޗްގައި ސިކްސަރސްއަށް އެންމެ ރަނގަޅު ކުޅުމެއް ދެއްކީ 25 ޕޮއިންޓް ހޯދާދީ 17 ރީބައުންޑް ނެގި ޖޮއެލް އެމްބިޑްއެވެ.
މިމުބާރާތުގައި ނިއުއޯލިއަންސް ޕެލިކަންސް އާއި ބޮސްޓަން ސެލްޓިކްސް ބައްދަލުކުރިމެޗް 120 ޕޮއިންޓް 115 ޕޮއިންޓުން ކާމިޔާބުކުރީ ޕެލިކަންސްއެވެ. މިމެޗްގައި ޕެލިކަންސްގެ ބްރެންޑަން އިންގްރާމްވަނީ އެޓީމަށް 33 ޕޮއިންޓް ހޯދައިދީފައެވެ. އަދި ސެލްޓިކްސްގެ ޖޭސަން ޓަޓުމްވަނީ އެޓީމަށް 32 ޕޮއިންޓް ހޯދައިދީ 9 ރީބައުންޑް ނަގާފައެވެ.
މީގެއިތުރުން އޮކްލޮހޯމާ ސިޓީ ތަންޑަރ އާއި ކްލީވްލަންޑް ކެވެލިއަރސް ބައްދަލުކުރިމެޗް 117 ޕޮއިންޓް 101 ޕޮއިންޓުން ކާމިޔާބުކުރީ ތަންޑަރއެވެ. މިމެޗްގައި ތަންޑަރގެ ޝައި ގިލްގިއޯސް އެލެގްޒެންޑަރ ވަނީ 31 ޕޮއިންޓް ހޯދާ 9 އެސިސްޓް ކޮށްފައެވެ. އަދި ކެވެލިއަރސްގެ ޖެރެޓް އެލެންވަނީ އެޓީމަށް 26 ޕޮއިންޓް ހޯދައިދީ 17 ރީބައުންޑް ނަގާފައެވެ.