އެން.ބީ.އޭ. ބާސްކެޓްބޯޅަ މުބާރާތުގައި އެންމެފަހުގެ ޗެމްޕިއަން ލޮސް އެންޖަލިސް ލޭކަރސްގެ މައްޗަށް މައޭމީ ހީޓް ކާމިޔާބު ހޯދައިފި. މިމެޗް ހީޓް ކާމިޔާބުކުރީ 96 ޕޮއިންޓް 94 ޕޮއިންޓުންނެވެ.
މިމެޗުގައި ހީޓްގެ ފަރާތުން އެންމެ ރަނގަޅު ކުޅުމެއް ދެއްކީ 24 ޕޮއިންޓް ހޯދައިދީ 8 ރީބައުންޑް ނަގާ 5 އެސިސްޓް ކުރި ޖިމީ ބަޓްލަރއެވެ. އަދި ލޭކަރސްއަށް އެންމެ ރަނގަޅު ކުޅުމެއް ދެއްކީ 19 ޕޮއިންޓް ހޯދައިދީ 9 ރީބައުންޑް ނަގާ 9 އެސިސްޓް ކުރި ލެބްރޮން ޖޭމްސްއެވެ.
މިމުބާރާތުގައި ޗާލޮޓް ހޯނެޓްސް އާއި ގޯލްޑަން ސްޓޭޓް ވޮރިއަރސް ބައްދަލުކުރިމެޗް 102 ޕޮއިންޓް 100 ޕޮއިންޓުން ކާމިޔާބުކުރީ ހޯނެޓްސްއެވެ. މިމެޗްގައި ހޯނެޓްސްގެ ޓެރީ ރޯޒިއަރވަނީ އެޓީމަށް 36 ޕޮއިންޓް ހޯދައިދީފައެވެ. އަދި ވޮރިއަރސްއަށް އެންމެ ރަނގަޅު ކުޅުމެއް ދެއްކީ 25 ޕޮއިންޓް ހޯދައިދިން ކެލީ އޮބްރޭ ޖޫނިއަރއެވެ. މީގެއިތުރުން ޝިކާގޯ ބުލްސް އާއި ސެކްރެމެންޓޯ ކިންގްސް ބައްދަލުކުރިމެޗް 122 ޕޮއިންޓް 114 ޕޮއިންޓުން ކާމިޔާބުކުރީ ބުލްސްއެވެ. މިމެޗްގައި ބުލްސްގެ ޒެކް ލެވީން އެޓީމަށް 38 ޕޮއިންޓް ހޯދައިދިންއިރު ކިންގްސްގެ މާވިން ބެގްލީ ވަނީ އެޓީމަށް 26 ޕޮއިންޓް ހޯދައިދީ 11 ރީބައުންޑް ނަގާފައެވެ.
މިމުބާރާތުގައި ފީނިކްސް ސަންސް އާއި މެމްފިސް ގްރިޒްލީސް ބައްދަލުކުރިމެޗް 128 ޕޮއިންޓް 97 ޕޮއިންޓުން ކާމިޔާބުކުރީ ސަންސްއެވެ.