އެންބީއޭ ބާސްކެޓްބޯޅަ މުބާރާތުގައި ކްލީވްލަންޑް ކެވެލިއަރސް އާއި ބްރޫކްލިން ނެޓްސް ބައްދަލުކުރި ފޯރިގަދަ މެޗް ކެވެލިއަރސް ކާމިޔާބުކޮށްފިއެވެ. މިމެޗް ކެވެލިއަރސް ކާމިޔާބުކުރީ ދެ އޯވަރ ޓައިމަށްފަހު 147 ޕޮއިންޓް 135 ޕޮއިންޓުންނެވެ.
މިމެޗް ވެގެންދިޔައީ އީސްޓަން ކޮންފަރެންސްގެ ޗެމްޕިއަންކަން މިފަހަރު ހޯދުން އެންމެ ގާތްކަމަށް ގިނަ ބަޔަކު ގަބޫލްކުރާ ނެޓްސްއަށް ޖެމްސް ހާޑެން އާއި ކެވިން ޑުރާންޓް އަދި ކައިރީ އަރވިން އެކުގައި ކުޅުނު ފުރަތަމަ މެޗަށެވެ. ނަމަވެސް މިމެޗްގެ ތަރިއަކަށްވީ ކެވެލިއަރސްގެ ކޮލިން ސެކްސްޓަންއެވެ. އޭނާ ވަނީ މިމެޗްގައި 42 ޕޮއިންޓް އެޓީމަށް ހޯދައިދީފައެވެ. އަދި ދެވަނަ އޯވަރ ޓައިމްގައި 15 ޕޮއިންޓް އެޓީމަށް ހޯދައިދީފައެވެ.
މިމެޗްގެ ހަތަރު ކްއާޓަރ ނިމުނު އިރު ދެޓީމަށްވެސް ހޯދިފައިވަނީ 113 ޕޮއިންޓެވެ. މިގޮތުން ކުޅުނު ފުރަތަމަ އޯވަރ ޓައިމްގައި ވެސް 14 ޕޮއިންޓުން ދެޓީމް އެއްވަރުވުމުން ކުޅުނު ދެވަނަ އޯވަރ ޓައިމްގައި ކެވެލިއަރސް ކުރިހޯދީ 20 ޕޮއިންޓް 8 ޕޮއިންޓުންނެވެ.
މިމެޗްގައި ނެޓެސްގެ ޑުރާންޓްވަނީ އެޓީމަށް 38 ޕޮއިންޓް ހޯދައިދީފައެވެ. އަދި އަރވިން އެޓީމަށް 37 ޕޮއިންޓް ހޯދާދީފައިވެއެވެ. މިމެޗްގައި ހާޑެންވަނީ ނެޓްސްއަށް 21 ޕޮއިންޓް ހޯދައިދީފައެވެ.