އޮޑިވެރިންނަށް ބޭނުންވާ ޓެކްނިކްލް އެހީތެރިކަން ފޯރުކޮށްދިނުމަށް އެމްޓީސީގެ ޓީމްތައް އުތުރުގެ އަތޮޅުތަކަށް ދަތުރުކުރަން ހަމަޖެހިއްޖެއެވެ.
އެމްޓީސީން ވިދާޅުވި މިދަތުރަކީ އޮޑިވެރިންނާއި މަސްވެރިންނާއި ދަތުރުވެރިންނަށް ގާތުން ޚިދުމަތްދިނުމަށް އެކުންފުނިން ކުރާ މަސައްކަތުގެތެރއިން ކުރާ ދަތުރެއްކަމަށެވެ.
މި ދަތުރުގައި އެމްޓީސީގެ ޓީމްތައް ދަތުރުކުރާނީ ހއ.އަތޮޅާއި ހދ.އަތޮޅުގެ ރަށްތަކަށެވެ. ދަތުރުކުގެ ހަރަކާތްތަކުގެތެރޭގައި އަލަށް ބަންނަމުންދާ ދޯނިފަހަރު އިންސްޕެކްޓްކުރުމާއި، މިހާރު ބޭނުންކުރަމުންދާ އުޅަނދުތަކުގެ އިންޖީނަށް މައްސަލައެއް ދީމާވާކަން ފާހަގަވާނަމަ ޓެކްނިކަލް އެހީތެރިކަން ފޯރުކޮށްދިނުން ހިމެނެއެވެ. އަދި އެމްޓީސީސީގެ ޚިދުމަތްތައް ހޯދުމުގައި އަތޮޅުތަކަށް ދިމާވާ ދަތިތައް ދިރާސާކުރުމާއި، އެމްޓީސީސީގެ ޕްރޮޑަކްޓްތައް ހޯދާނެގޮތްތަކާއި އެތަކެތި ގަތުމުގައި މާލީގޮތުން ދިމާވާ ދަތިތަކަށް އެހީވެވޭނެ ގޮތްތަކާބެހޭ މަޢުލުމާތު އޮޑިވެރިންނާ ޙިއްސާކުރުން ހިމެނެއެވެ.
އެމްޓީސީސީގެ މި ދަތުރުގައި އޮޑިވެރިންނާއި އޮޕަރޭޓަރުންނާއި އިންޖިނިއަރުންނާއި އޮޑިދޯނިފަހަރު ބަނުމުގައި މަސައްކަތް ކުރާ މީހުންގެ އިތުރަށް ރަށްރަށުގެ ކައުންސިލްތަކާ ބައްދަލުކުރާނެއެވެ.
އެމްޓީސީސީގެ ޓީމްތައް މިމަހުގެ 12އިން 18އަށް ހަރަކާތްތެރިވާނީ ހއ.އަތޮޅުގައެވެ. އަދި 19އިން 24އަށް ހަރަކާތްތެރިވާނީ ހދ.އަތޮޅުގައެވެ.