އެން.ބީ.އޭ. ބާސްކެޓްބޯޅަ މުބާރާތުގައި ގޯލްޑަން ސްޓޭޓް ވޮރިއަރސް އާއި ޕޯޓްލަންޑް ތްރެއިލްބްލޭޒަރސް ބައްދަލުކުރިމެޗް ވޮރިއަރސް ކާމިޔާބުކޮށްފިއެވެ.
މިމެޗް ޕޮރިއަރސް ކާމިޔާބުކުރީ 137 ޕޮއިންޓް 122 ޕޮއިންޓުންނެޗެ. މިމެޗްގައި ގޯލްޑަން ސްޓޭޓްގެ ތަޖްރިބާކާރު ކުޅުންތެރިޔާ ސްޓެފަން ކަރީވަނީ 62 ޕޮއިންޓް އެޓީމަށް ހޯދާދީފައެވެ. މިއީ އޭނާގެ ކެރިއަރުގައިވެސް އެއް މެޗެއްގައި މިހާ ގިނަ ޕޮއިންޓް ހޯދުނު ފުރަތަމަ ފަހަރެވެ. އަދި ކަރީ ވެފައިވަނީ 60 ޕޮއިންޓަށްވުރެ ގިނައިން އެއްމެޗެއްގައި ހޯދި ދެވަނައަށް އެންމެ ދުވަސްވީ ކުޅުންތެރިޔާއަށް ވެފައެވެ. މިގޮތުން އެންމެ ދުވަސްވީ ކުޅުންތެރިޔަކީ 37 އަހަރުގައި 60 ޕޮއިންޓަށް ވުރެ ގިނައިން ހޯދި ކޮބީ ބްރަޔަންޓެވެ.
މީގެކުރިން ކަރީއަށް އެންމެ ގިނައިން އެއްމެޗެއްގައި ހޯދިފައިވަނީ 54 ޕޮއިންޓެވެ. އަދި ގިނަ ބަޔަކުދަނީ ސޯޝަލް މީޑިއާގައި ކަރީއަށް މަރުހަބާ ކިޔަމުންނެވެ.
މިމުބާރާތުގައި ލޮސް އެންޖަލިސް ލޭކަރސް އާއި މެމްފިސް ގްރިޒްލީސް ބައްދަލުކުރި މެޗް 108 ޕޮއިންޓް 94 ޕޮއިންޓުން ކާމިޔާބުކުރީ ލޭކަރސްއެވެ. މިމެޗްގައި ލޭކަރސްގެ ލެބްރޮން ޖޭމްސްވަނީ އެޓީމަށް 22 ޕޮއިންޓް ހޯދާދީފައެވެ.