އަދާލަތު ޕާޓީގެ ރިޔާސީ އިންތިޚާބު މިމަހުގެ 23 ވަނަދުވަހު ބޭއްވުމަށް ނިންމައިފިއެވެ. އެ ޕާޓީން ބުނީ ޕާޓީގެ 3 ވަނަ ދައުރަށް ޕާޓީގެ ރައީސާއި ނައިބު ރައީސް އިންތިހާބުކުރުން އެދުވަހު އޮންނާނެކަމަށެވެ.
ޕާޓީގެ އިސް ދެ މަޤާމަށް ކުރިމަތިލާން ބޭނުންވާ މީހުންނަށް އެފރުސަތު މިހާރުވަނީ ހުޅުވާލާފައެވެ. އަދާލަތުން ބުނީ ޕާޓީގެ ރައީސާއި ނާއިބު ރައީސަށް ކުރިމަތިލާން ބޭނުންވާ ފަރާތަކުން މިމަހުގެ 9 ވަނަދުވަހުގެ ކުރިން އެކަމަށް ބޭނުންވާ ލިޔުންތައް ހުށައަޅަންޖެހޭކަމަށެވެ.
ޢަދާލަތު ޕާޓީގެ ރިޔާސީ އިންތިޚާބަށް ހުޅުވައިލުން
— Adhaalath Party (@AdhaalathOffice) January 1, 2021
ޢަދާލަތު ޕާޓީގެ ރިޔާސީ އިންތިޚާބަށް ކުރިމަތިލުމަށް އެދޭ ފޯމްގެ ލިންކް:https://t.co/FgNtPdOrkA
ޢަދާލަތު ޕާޓީގެ ރިޔާސީ އިންތިޚާބަށް ކުރިމަތިލާ މީހުންގެ ކުށުގެ ރިކޯޑް ބެލުމަށް އެދޭ ފޯމްގެ ލިންކް: https://t.co/7G4NOJriHr pic.twitter.com/FjVpx0leWJ
އިންތިޙާބާއި ގުޅޭ ގޮތުން އެއްވެސް މައުލޫމާތެެއް ސާފުކުރަން ބޭނުންވާނަމަ ޕާޓީގެ މައި އިދާރާގެ ނަމްބަރު 3342671 އާއި [email protected] އީމެއިލްއަށް ހުށައެޅޭނެކަމަށްވެސް އަދާލަތު ޕާޓީން ބުނެއެވެ.
ސަރުކާރު ހިންގާ ކޯލިޝަންގައި ހިމެނޭ އަދާލަތު ޕާޓީގެ މިހާރުގެ ރައީސްއަކީ ހޯމް މިނިސްޓަރު އިމްރާން އަބްދުﷲ އެވެ.