ޒަރޫރީ މުދާ މެދުކެނޑުމެއް ނެތި އެތެރެކުރުމަށް ފައިސާ އެބަހުރި: ވަޒީރު ޒަރީރު

ދުރާލާ ތައްޔާރުވުމުގެ ސަބަބުން ކާބޯތަކެއްޗާއި ތެލާއި ބޭސް މެދުކެނޑުމެއް ނެތި ލިބޭނެ އިންތިޒާމު ހަމަޖެހިފައިވާ ކަމަށް މާލީ ކަންކަމާއި ސަރުކާރުގެ ކުންފުނިތަކާއި ބެހޭ ވަޒީރު ހަސަން ޒަރީރު ވިދާޅުވެއްޖެއެވެ.

ވަޒީރު މިހެން ވިދާޅުވެފައިވަނީ، ސަރުކާރުން ދަރަނިތައް އަދާކުރުމުގެ ޒަރޫރީ ބޭނުންތަކަށް އެތެރެކުރަންޖެހޭ މުދާ އެތެރެކުރުމަށް ބޭރުފައިސާ ހުސްވެފައިވާ ކަމަށް ކުރެވޭ ތުހުމަތުތަކާއި ގުޅިގެންނެވެ.

މިކަމާއި ގުޅިގެން މީސްމީޑިއާގައި ހިއްސާކުރެއްވި ޕޯސްޓެއްގައި މާލީ ކަންކަމާއި ސަރުކާރުގެ ކުންފުނިތަކާއި ބެހޭ ވަޒީރު ހަސަން ޒަރީރު ވިދާޅުވީ، ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ބެއްލެވުމުގެ ދަށުން، ދަރަނިތައް ޒިންމާދާރު ކަމާއެކު ރޭވުންތެރިކަމާއި އެކު ދައްކަމުންދާ ކަމަށް ވިދާޅުވިއެވެ. މިކަން ކުރަނީ ދަރަނި އަދާކުރުމަށް ހާދާފައިވާ ސޮވެރިން ޑިވެލޮޕްމެންޓް ފަންޑަށް ޤަވާއިދުން ފައިސާ ޖަމަޢުކޮށްގެން ކަމަށް ވަޒީރު ވިދާޅުވިއެވެ. އަދި މިކަމުގެ ސަބަބުން ކާބޯތަކެއްޗާއި، އަސާސީ ކާބޯތަކެތީގެ ބާވަތްތަކާއި، އަދި ބޭސް އެތެރެކުރުމަށް ބޭނުންވާ ފައިސާ ހުރި ކަމަށް ވަޒީރު ވިދާޅުވިއެވެ.

Today, we completed repayment of the $150 million borrowed through State Bank of India in 2019, settling the final $50 million instalment.

Under the leadership of President Dr. @MMuizzu, our Government continues to manage debt responsibly through advance planning and regular…

— Hassan Zareer (@Finance_Min_MV) September 17, 2026

ސަރުކާރުން ދަރަނި އަދާކުރުމަށް ކުރާ މަސައްކަތުގެ ދަށުން ސްޓޭޓް ބޭންކް އޮފް އިންޑީއާއިން މިދިޔަ ސަރުކާރުން ނަގާފައިވާ ޓްރެޝަރީ ބިލްތަކަށްވާ ފައިސާ އަނބުރާ ވަނީ ދައްކާފައެވެ. ކުރީ ސަރުކާރުން 3 ބަޔަށް ބަހާލައިގެން 2019 ވަނަ އަހަރު ނެގި ޓްރެޝަރީ ބިލްތަކުގެ ފަހު އިންސްޓޯލްމެންޓް ކަމުގައިވާ 50 މިލިޔަން ޑޮލަރު އަދާކޮށްފައިވަނީ މިއަދުއެވެ.