ޗައިނާގެ ވެކްސިން ރިސަރޗް ޕްރޮގްރާމްއާ މެދު އުއްމީދު ބޮޑުކަމަށް ޗައިނާގެ ފޮރިން މިނިސްޓްރީން ބުނެފިއެވެ.
ޗައިނާގެ ފޮރިން މިނިސްޓްރީގެ ތަރުޖަމާނު ވާންގް ވެންބިން މިހެން ވިދާޅުވީ ފޮރިން މިނިސްޓްރީގައި ބޭއްވި ނޫސްވެރިންގެ ބައްދަލުވުމެއްގައެވެ. ވެންބިން ވިދާޅުވީ، ޗައިނާގެ ވެކްސިން ރިސާރޗް ޕްރޮގްރާމްގައި ހިމެނޭ ރިސާޗް ކުންފުނިތަކާއި ޑިވެލޮޕްމެންޓް ކުންފުނިތަކުން އާއްމު ސައިންޓިފިކް އުސޫލުތަކާއި ހަމަތައް ހިފަހައްޓާކަމަށެވެ. އަދި ވެކްސިންގެ ރައްކާތެރިކަމާއި ކާމިޔާބުކަން ކަށަވަރުކުރުމަށް ގިނަ މަސައްކަތްތަކެއް ކުރަމުންދާކަމަށްވެސް އޭނާ ވިދާޅުވިއެވެ.
މިފަދަ މޭރުމަކުން ވެންބިން ވާހަކަދައްކަވާފައިވާއިރު، ޗައިނާގެ ހައި-ރިސްކް މީހުންގެ 50 މިލިއަން މީހުންނަށް އެ ޤައުމުގައި ފާހަގަކުރާ އާ އަހަރުގެ ބަންދުގެ ކުރިން ވެކްސިން ދޭނެ ނިންމާފައިވާކަމަށް ބައެއް މީޑިއާތަކުން ވަނީ ރިޕޯޓުކޮށްފައެވެ.
ރިޕޯޓްތަކުގައިވާ ގޮތުން، ސިނޯފާމްއާއި ސައިނޯވެކް ބައޯޓެކް ލިމިޓެޑްގެ ވެކްސިންގެ 100 މިލިއަން ޑޯސް ޗައިނާގެ ބެއިޖިންގގައި ބެހުމަށް ވަނީ ނިންމާފައެވެ.