ރައީސުލްޖުމްހޫރިއްޔާގެ ނައިބު ފައިސަލް ނަސީމް އައްޑޫ ސިޓީއާއި ފުވައްލުމައް ސިޓީއަށް ކުރައްވާ ދަތުރުފުޅެއް ފައްޓަވައިފިއެވެ. މިދަތުރުފުޅުގައި އައްޑޫ ސިޓީގެ ދެ ރަށާއި، ފުވައްމުލައް ސިޓީއަށް އެމަނިކުފާނު ވަޑައިގަންނަނާނެއެވެ.
އެއް ދުވަހުގެ މިދަތުރުފުޅުގައި އައްޑޫ އިކުއިޓޯރިއަލް ހޮސްޕިޓަލާއި ފުވައްމުލައް ހޮސްޕިޓަލާއި މި ދެއަތޮޅުގައި ކުރިއަށްގެންދާ ތަރައްޤީގެ މަޝްރޫއުތައް ބައްލަވާލައްވައި ކަމާގުޅޭ ފަރާތްތަކާއި ބައްދަލުކުރެއްވުމަށްވަނީ ހަމަޖެހިފައެވެ.
މި ދަތުރުފުޅުގައި އައްޑޫ ސިޓީގައި ޤާއިމުކުރުމަށް ސަރުކާރުން ނިންމަވާފައިވާ ޑިޓޮކްސިފިކޭޝަން ސެންޓަރު މަޝްރޫޢުގެ މަސައްކަތް އިފްތިތާޙްކޮށްދެއްވުމަށްވަނީ ހަމަޖެހިފައެވެ. ފުވައްމުލައް ސިޓީގައި ކުރިއަށްގެންދިއުމަށް ހަމަޖެހިފައިވާ ކަންކަމުގެ ތެރޭގައި ފުވައްމުލައް ވެމްކޯ ވޭސްޓް ކަލެކްޝަން ސެންޓަރ ބައްލަވާލެއްވުމާއި، އެރަށު މަގުހެދުމުގެ މަޝްރޫޢުގެ މަސައްކަތް ބައްލަވާލައްވައި، ޕްރޮޖެކްޓްތަކުގެ މަޢުލޫމާތޮ އޮޅުންފިލުއްވުމަށްވަނީ ހަމަޖެހިފައެވެ.
ރައީސުލްޖުމްހޫރިއްޔާގެ ނައިބުގެ މި ދަތުރުފުޅު ނިންމަވާލެއްވުމަށްފަހު މާލެ ވަޑައިގަންނަވާނީ މިރޭގެ ވަގުތެއްގައެވެ.