ދިރާގުން ފޯރޓިނެޓް އާ ގުޅިގެން އިންފޮމޭޝަން ޓެކްނޮލޮޖީ ދާއިރާގެ ބޭފުޅުންނަށް އަމާޒުކޮށްގެން ސައިބަރ ސެކިއުރިޓީ އާ ބެހޭ ވެބިނަރއެއް ބާއްވައިފިއެވެ.
މި ވެބިނަރ ބާއްވާފައި ވަނީ ދިރާގު "އެއްވުން" ޕްލެޓްފޯމްގައި އެވެ.
ދިރާގުން ބުނީ "ފްރޮމް ސެކިއުރިޓީ ޓު ޓްރަސްޓް" ގެ ނަމުގައި ކުރިއަށްގެންދިޔަ މި ވެބިނާގައި ވަނީ ކޯވިޑް- 19 އާއި އެފަދަ ބަލިމަޑުކަމެއްގެ ތެރޭގައި ގޭގައި މަސައްކަތް ކުރުމުން ސައިބަރ ސެކުރިޓީ އަށް ކުރިމަތިވަމުންދާ ގޮންޖެހުންތަކާއި ނުރައްކާތައް އަދި މި ފަދަ ނުރައްކާތަކުން ކުންފުނިތަކާއި މުވައްޒަފުން ސަލާމަތް ކުރުމަށް ކުރެވޭނެ ކަންތައްތަކާއި ހައްލުތަކާއި ގުޅޭގޮތުން މައުލޫމާތުތައް ދީފައިކަމަށެވެ.
މި ވެބިނާގެ ކީނޯޓް ދެއްވީ އީގާޑިއަން ޕްރައިވެޓް ލިމިޓެޑް، ޑީ.ސީ.އެސް ޕްރައިވެޓް ލިމިޓެޑް އަދި އައި.އައި.އެޗް.ޓީ ސްރީލަންކާގެ ޑިރެކްޓަރ އަދި ޑެލްޓާ ސްޕައިކް ޕްރައިވެޓް ލިމިޓެޑްގެ ކޯފައުންޑަރ ޝިހާން އަނޮން އެވެ. ކޯވިޑް-19ގެ ސަބަބުން، ގޭގައި މަސައްކަތްކުރާއިރު ސައިބަރ ސެކިއުރިޓީ އަށް ކުރިމަތި ވަމުންދާ ގޮންޖެހުންތަކާއި ނުރައްކާތަކާއި ބެހޭގޮތުން ޝިހާން ވަނީ ވާހަކަ ދައްކަވާފައެވެ.
މީގެ އިތުރުން ދުނިޔޭގެ އެކި ހިސާބުތަކުގައި ދެމުންދާ ނުރައްކާތެރި ސައިބަރ ހަމަލާތަކާއިބެހޭ މަޢުލޫމާތު އުނގެނި އެކަމުން ރައްކާތެރިވާނެ ގޮތާއި އެފަދަ ކަންކަމަށް ސަމާލުވެ ތިބުމުގެ މުހިންމު ކަންވެސް ޝިހާންވަނީ ފާހަގަ ކުރެއްވިއެވެ.
ފޯރޓިނެޓްގެ ޕްރިންސިޕަލް ސިސްޓަމް އިންޖިނިއަރ ކްރިޝްނަން ރާޖަގޮޕްލަންގެ ވާހަކަފުޅުގައި ސައިބަރ އެޓޭކް ތަކަކީ މިއަދުގެ ދުނިޔޭގައި މެދު ނުކެނޑި 24 ގަޑި އިރު ހިނގަމުން ދާ ކަމެއްކަމަށް ވިދާޅުވިއެވެ.
އޭނާ ވިދާޅުވި ގޮތުގައި ވިޔަފާރީގެ ބޭނުންތަކާއި އެހެނިހެން ޚިދުމަތްތައް ފޯރުކޮށްދިނުމުގައި ޓެކްނޮލޮޖީ ބޭނުން ކުރާ މިންވަރު އިތުރުވާ ވަރަކަށް މިފަދަ އެޓޭކްތައް އަމާޒުވެ ސައިބަރ ހަމަލާ އަކަށް ހުށައެޅުމުގެ ފުރުސަތު ބޮޑު ވެގެން ދާނެއެވެ.
ޚިދުމަތްކުގެ ސެކިއުރިޓީ އިތުރު ކުރުމަށްޓަކައި، ޚިދުމަތް ބޭނުންކުރާ ފަރާތްތަކާއި، ޑިވައިސްތައް ވަގުތުން ވަގުތަށް މޮނިޓަރ ކުރުމަކީ ނުހަނު ބޭނުން ތެރި ކަމެއް ކަން އޭނާ ފާހަގަ ކުރެއްވިއެވެ.