ކޯވިޑަށް ޕޮޒިޓިވްވި މީހަކާއި ދިމާވެފައިވާތީ ދުނިޔޭގެ ޞިއްޙަތު ޖަމުޢިއްޔާ، ޑަބްލިއުއެޗުއޯގެ ޑިރެކްޓަރ ޖެނެރަލް ޓެޑްރޮސް އަދަނަމް ގެބްރިއޭސުސް ކަރަންޓީނަށް ވަޑައިގެންފިއެވެ.
ކަރަންޓީނު ވެޑައިގެން އިއުލާންކުރައްވާ ޓެޑްރޮސް ކުރެއްވި ޓްވީޓެއްގައި ވިދާޅުވީ ކޯވިޑަށް ޕޮޒިޓިވް ވި މީހަކާއި ބައްދަލުވެފައިވާ މީހުންގެ ކޮންޓެކްޓް ލިސްޓުގައި އޭނާ ހިމެނިވަޑައިގެންފައިވާކަމަށެވެ. އަދި މިއާއިއެކު އަމިއްލަފުޅަށް ކަރަންޓީނަށް ވަޑައިގެންފައިވާކަމަށްވެސް ޓެޑްރޮސްވަނީ ވިދާޅުވެފައެވެ.
ބަލީގެ ކޮންޓެކްޓަކަށް ވީނަމަވެސް ބަލީގެ އެއްވެސް އަލާމާތެއް ނުފެންނަކަމަށާއި ހާލު ރަނގަޅުކަމަށްވެސް ޓެޑްރޮސް ވަނީ ވިދާޅުވެފައެވެ. އަދި ޑަބްލިއުއެޗްއޯގެ އުސޫލަތަކާއި އެއްގޮތަށް ވަޒީފާގެ ޒިންމާތައް މިވަގު އަދާކުރައްވާނީ ގޭގައި ހުންވައިގެންކަމަށްވެސް ޓެޑްރޮސްވަނީ ވިދާޅުވެފައެވެ.
I have been identified as a contact of someone who has tested positive for #COVID19. I am well and without symptoms but will self-quarantine over the coming days, in line with @WHO protocols, and work from home.
— Tedros Adhanom Ghebreyesus (@DrTedros) November 1, 2020
މިދިޔަ އަހަރުގެ ފަހުކޮޅު ކޯވިޑް ފެނުނު ފަހުން މި ބަލިން މީހުން ރައްކާތެރިކުރުމަށް އެންމެ ބޮޑު މަސައްކަތެއް ކުރެއްވި އެއް ބޭފުޅަަކީ ޓެޑްރޮސްއެވެ. މިގޮތުން ބަލީގެ ނުރައްކާތެރިކަން މީހުންގެ ސަމާލުކަމަށް ގެނެސް ބަލީގެ މައުލޫމާތު ދެއްވެމަށް ޓެޑްރޮސް ގެންދެވީ ސިލްސިލާކޮށް ނޫސްވެރިންގެ ބައްދަލުވުން ބާއްވަމުންނެވެ. މީގެއިތުރުން މި ބަލިން ރައްކާތެރިވުމަށް ޤައުމުތަކުން ގުޅިގެން މަސައްކަތްކުރުމަށް އެންމެ ބޮޑަށް ބާރު އަޅުއްވާ އެކަމުގައި އެހީތަރިކަން ފޯރުކޮށްދެއްވަމުން ގެންދެވި އެއް ބޭފުޅަކީވެސް އޭނާއެވެ.
ކޯވިޑް ބަލީގެ ނުރައްކާ މުޅި ދުނިޔެއަށް ބޮޑު މީ ނުރައްކާތެރި ބަލިމަޑުކަމެއްގެ ގޮތުގައި ދުނިޔޭގެ ސިއްހަތު ޖަމިއްޔާއިން ކަނޑައެޅީ މާރިޗުމަހުގެ ތެރޭގައެވެ. މިހާތަނަށް ދުނިޔޭގެ އެކިކަންކޮޅުތަކުން 46.8 މިލިއަނަށްވުރެ ގިނަ މީހުންނަށް ބަލިޖެހި މަރުވި މީހުންގެ އަދަދު ވަނީ 1.2 މިލިއަނަށް އަރާފައެވެ.