އޭޑީކޭ ހޮސްޕިޓަލުން ހިދުމަތް ހޯދާ ފަރާތްތައް ބޭނުންކުރުމަށް އެތަނުގެ ފާހާނާގައި ބަހައްޓާފައި ހުރި އަތް ހިއްކާ މެޝިންތައް ވަގަށް ނަގައިފިއެވެ.
އޭޑީކޭއިން ވަނީ މި މެޝިން ވަގަށް ނަގާ ތަން ފެންނަ ވީޑިއޯއެއް އާއްމުކޮށްފައެވެ. މި ވީޑިއޯއިން ފެންނަނީ ދަބަހެއް އަޅައިގެން ހުރި ފިރިހެނަކު އެ ހޮސްޕިޓަލަށް ވަންނަ ގޮތަށް ގޮސް އެތަނުގެ ފާހާނައަށް ވަދަގެންދާ ތަނެވެ. ވީޑިއޯއިން ފެންނަ ގޮތުން މިމިހާ ފުރަތަމަ ވަންނަނީ ފިރިހެނުންނަށް ހާއްސަކޮށްފައިވާ ފާހާނައަށެވެ. އެ ފާހާނާއަށް ވަންނަތާ ދެ މިނެޓް ފަހުން އެނާ ނުކުމެ ޖެހިގެން ހުރި އަންހެނުންނަށް ހާއްސަކޮށްފައިވާ ފާހާނާއަށް ވަދެއެވެ. އަންހެނުންގެ ފާހާނާއިން އެ މިހާ ނުކުންނަނީ ފަސް މިނެޓް ފަހުންނެވެ. އަދި އެއަށްފަހު އޭނާ ހޮސްޕިޓަލުން ނުކުމެގެން ދެއެވެ.
އޭޑީކޭއިން ބުނީ އެ ހޮސްޕިޓަލުން ހިދުމަތް ހޯދާ މީހުންގެ ރައްކާތެރިކަމަށް އެޅި ފިޔަވަޅެއްގެ ގޮތުން ފާހާނާތަކުގައި އަތް ހިއްކާ މެޝިންތައް ބެހެއްޓީ ދާދި ފަހުންކަމަށެވެ.
We recently installed special hand-dryers in our public toilets. Drying hands after washing is an important component of good hand hygiene.
— ADK Hospital (@ADKHospital) October 14, 2020
Sadly, some of these are being stolen! pic.twitter.com/5Dv1efojpc
މީގެކުރިން އޭޑީކޭގެ އެކި ހިސާބުތަކުގައި ބަހައްޓާފައި ހުރި ސެނެޓައިޒާ ފުޅިތައް ވަގަށް ނަގާ މައްސަލައެއްވެސް ވަނީ ކުރިމަތިވެފައެވެ.
ކޯވިޑް-19 އިން ރައްކާތެރިވުމަށް ގިނަ ގިނައިން އަތް ދޮވުމަށް ސިއްހީ މާހިރުން ލަފާ ދެއްވާތީ ހުރިހާ ހޮސްޕިޓަލެއްގެވެސް އެކި ހިސާބުތަކުގައި ހުންނަނީ ސެނިޓައިޒާ ބަހައްޓާފައެވެ.
ހޮރުމިނިހާ
ނަސީބެ އްތާ ތަށިގަނޑު ނުނެގިކަން މިހެން ލާރިހޯދަ އިގެން ބު އިމަ އްވުރެން އިނގިލި ބު އިއްޔާ މާރާނގަޅުވާނެ