ސިވިލް ސަރވިސް ކޮމިޝަނުގެ ރައީސްކަމުގެ މަޤާމަށް ޑރ އަލީ ޝަމީމް އަދި ނައިބްރައީސާކަމުގެ މަޤާމަށް ޖަމީލާ އަލީ ޚާލިދު އައްޔަންކުރެއްވުމަށް ރައްޔިތުންގެ މަޖިލީހުން ފާސްކޮށްފިއެވެ.މިއަދު ކުރިޔައްދިޔަ ރައްޔިތުންގެ މަޖުލީހުގެ ޖަލްސާގައި ސިވިލްޝަވިސް ކޮމިޝަންގެ ރައީސްއާއި ނައިބްރައީސްގެ މަޤާމަށް ބޭފުޅެއްގެ ނަން ހުށައެޅުމަށް ހުޅުވާލި ފުރުސަތުގައި އެ މަގާމުތަކަށް ބޭފުޅެއްގެ ނަން ހުށައެޅުއްވީ ވިލިމާފނު ދާއިރާގެ މެންބަރ އަހުމަދު ނިހާން ހުސެންމަނިކްއެވެ.ކޮމިޝަންގެ ރައީސް ކަމުގެ މަޤާމަށް ކޮމިޝަންގެ މެންބަރު ޑރ.އަލީ ޝަމީމްގެ އައްޔަންކުރުމަށް ފާސްވީ ވޯޓުގައި ބައިވެރިވި 61 މެންބަރުންގެ ވޯޓުންނެވެ. އަދި ނައިބްރައީސާ ކަމުގެ މަޤާމަށް ޖަމީލާ އަލީ ޚާލިދު އައްޔަންކުރުމަށް ފާސްވީ ވޯޓުގައި ބައިވެރިވި 62 މެންބަރުންގެ ވޯޓުންނެވެ.މީގެ އިތުރުން ހިޔުމަންރައިޓްސް ކޮމިޝަންގެ މެންބަރު ކަމަށް ދެ ބޭފުޅަކު އައްޔަންކުރުމަށް ވެސް މިއަދުގެ ޖަލްސާއިން ވަނީ ފާސްކޮށްފައެވެ. މިގޮތުން ހިޔުމަން ރައިޓްސް ކޮމިޝަންގެ މެންބަރުކަމަށް ސ.ހިތަދޫ ޝުމައިސް ނައިވީން އަބްދުﷲ އައްޔަންކުރެއްވުމަށް ފާސްވީ ވޯޓުގައި ބައިވެރިވި 60 މެންބަރުންގެ ވޯޓުންނެވެ. އަދި ހަމަ އެ ކޮމިޝަންގެ މަންބަރުމަކަށް ރ ކަނދޮޅުދޫ ހުސްނުހީނާގެ މޫސާ ޢަލީކަލޭގެފާނު އައްޔަންކުރުމަށް ފާސްވީ 45 މެންބަރުންގެ ވޯޓުންނެވެ.ހިއުމަން ރައިޓްސް ކޮމިޝަނަށް ދެބޭފުޅުން އައްޔަން ކުރެއްވީ މިހާރު ކޮމިޝަންގައި ތިއްބެވި ދެބޭފުޅެއްގެ މެންބަރުކަމުގެ މުއްދަތު އަންނަ ސެޕްޓެމްބަރު މަހުގެ 13 ވަނަ ދުވަހުގެ ނިޔަލަށް ހަމަވާނެތީއެވެ.